L'Almozara (en castellano La Almozara) ye un districto de Zaragoza (Aragón). Muga con os districtos de Delicias, Centro, Oliver-Valdefierro, Barrios rurals, Casco Antigo y o río Ebro.
O districto amás d'o barrio de l'Almozara incluye a urbanización Torres de San Lamberto.
Historia En o sieglo XI ya existiba en ista zona una huerta amán d'o palacio de l'Alchafaría, en a parti exterior d'a muralla d'a ciudat. En un texto de 1143 de l'Archivo de lo Pilar mencionan un termino de Almuzara.
En 1898 s'establió en o barrio una empresa ta a fabricación de acidos y fertilizants. Tamién s'establió una gara de mercaderías ta o tren.
Os primers habitants d'o barrio treballaban en a fabrica. A plaza d'Europa ye un puesto d'intersección entre tres districtos. O puent de l'Almozara permite actualment a comunicación d'o barrio con l'Actur. O primer puent en iste puesto yera un puent ferroviario que iba dende a gara d'o Portiello enta la gara d'o Norte.
Mugas thumb|left|200px|Plan d'o districto Seguntes os plans censals d'o Concello de ZaragozaPlano Censal Districto 7. Almozara as mugas d'o districto son:
A lo nord-ueste, con o districto de Barrios Rurals muga l'A-2. A lo nord-este, o río Ebro en o meandre de Raniellas. A l'este, con o districto d'o Casco Antigo, mugan a plaza d'Europa y o paseyo de María Agustín. A l'ueste, con o districto Delicias mugan a parti trasera d'o Centro Comercial Augusta (dentro d'o districto Delicias), a frontera d'a gara Delicias (dentro d'o districto Almozara), a carrera María Callas, y l'avenida de Madrid, y con o districto Oliver-Val de Fierro muga la Autovía de Logronyo.
Esporte O fútbol ye representau por o Club Deportivo Ebro.
Referencias
Almozara