O castiello d'Hiroshima (広島城, Hiroshima-jō en chaponés), tamién clamato a vegatas castiello d'a Carpa (鯉城, Ri-jō), ye un castiello chaponés situato en a ciudat d'Hiroshima.
O castiello estió a seu d'o daimyō (u chefe feudal) d'o feudo Han d'Hiroshima. Construito en 1590, o castiello fue destruito de raso en os bombardeyos atomicos sobre Hiroshima y Nagasaki de 1945. Sindembargo, fue reconstruito en 1958 y hue ye a seu d'un Museu sobre a Historia d'Hiroshima antis d'a Segunda Guerra Mundial.
Historia right|thumb|250px|Fosos esfensibos d'o castiello. Mori Terumoto, uno d'os cinco rechents d'o Concello de Toyotomi Hideyoshi, construyió o castiello en 1589 en o delta d'o río Otagawa, cuan a ciudat d'Hiroshima no existiba encara, en a rechión clamata Gokamura, ye decir, cinco localidaz en aragonés. Dende 1591, Mori gubernó 9 provincias dende iste castiello, provincias que, alto u baixo, son as actuals prefeuturas de Shimane, Yamaguchi, Tottori, Okayama y Hiroshima.
En prencipiar a suya construcción, se rebaptizó Gokamura con o nuevo nombre de Hiroshima. "Hiro" provién d'Oeno Hiromoto, un antipasau d'a familia Mori, y "Shima" provién de Fukushima Motonaga, qui aduyó a Mori Terumoto ta esleyir o lugar ta construir o castiello. «Hiroshima» significa tamién «isla ampla», nombre que fa referencia a cuantas islas d'o delta d'o río Otagawa a man d'o castiello.
Dimpués d'a batalla de Sekigahara en 1600, s'obligó a Mori a albandonar o castiello y a retirar-se ta a localidat de Hagi, en l'actual prefectura de Yamaguchi. Fukushima Masanori esdebenió o sinyor d'as provincias d'Aki y de Bingo (hue ye a prefectura d'Hiroshima). Sindembargo, o nuevo shogunato de Tokugawa prohibió tota construcción de nuevos castiellos sin de l'autorización d'o Gubierno d'o shogun, ta impedir a creixencia d'o poder d'os daimyō y o posible periglo ta o shogunato. Asinas, cuan Fukushima reparó o castiello dimpués d'unas inundacions en 1619, li esterroron ta Kawanakajima, en l'actual prefectura de Nagano, y Asano Nagaakira se convertió en o nuevo sinyor d'o castiello. right|thumb|250px|A torre d'o castiello. Dende 1619 dica l'abolición d'o feudalismo en a Restauración Meichi (1869), a familia d'o clan Asano estioron o sinyors d'as provincias d'Aki y Bingo.
Dimpués d'a Restauración Meichi, o castiello s'emplegó militarment; asinas, en 1894-1895, mientres a guerra chino-chaponesa estió o Quelter Cheneral de l'Exercito chaponés. Hue se puet veyer os alacez d'os edificios d'arredol d'o Cuartel Cheneral a bels metros d'a torre prencipal de l'edificio.
O 6 d'agosto de 1945, en os bombardeyos atomicos a bomba atomica destruyió de raso o castiello. A suya torre actual, reconstruita en formigón en a suya mayor parte, remató en 1958.
Os daimyō d'Hiroshima Mori Terumoto (1591-1600);Anyos d'estancia en o castiello. 1.120.000 koku. Fukushima Masanori (1600-1619); 498.223 koku. Asano Nagaakira (1619-1632); 426.500 kokuDende Asano Nagaakira os koku continaron estando 426.500.. Asano Mitsuakira (1632-1672). Asano Tsunaakira (1672-1673). Asano Tsunanaga (1673-1708). Asano Yoshinaga (1708-1752). Asano Munetsune (1752-1763). Asano Shigeakira (1763-1799). Asano Narikata (1799-1830). Asano Naritaka (1831-1858). Asano Yoshiteru (1858-1858). Asano Nagamichi (1858-1869). Asano Nagakoto (1869-1869).
Vinclos externos
Referencias
Categoría:Hiroshima Hiroshima