As Juventudes Socialistas de Aragón (JSA) (en aragonés Chovenalla Socialista d'Aragón) ye a organización chovenil d'o partiu politico Partido de los Socialistas de Aragón (PSOE-Aragón). Os suyos ideyals son os mesmos que os d'o Partido Socialista Obrero Español, o socialismo democratico, o federalismo y o laicismo, encara que son independients como organización.
Ye federata con atras choventuz socialistas ta formar as Juventudes Socialistas de Espanya (en aragonés Chovenalla Socialista d'Espanya). A suya secretaria cheneral ye Raquel Yus dende o mes de chulio de 2009.
Historia d'as JSA A primera Chovenalla Socialista fue establita en 1918 en Zaragoza, con Pedro Luna como o suyo primer president. Dica 1932 no fará o suyo primer congreso de constitución como Federación Provincial Zaragozana de las JJ.SS. (con a chent de Teruel tamién en a FPZ), con Arsenio Jimeno de president y José Antonio Baras de secretario cheneral.
En a Segunda Republica Espanyola se torna en una organización largocaballerista pedindo o comunismo y a unión con as Juventudes Comunistas de Aragón. Dimpués d'a Guerra Civil Espanyola, as choventuz socialistas en Aragón disapareixen dica 1977.
En 1978 se fa o I Congreso Constituyent d'as Juventudes Socialistas de Aragón en Zaragoza.
Secretarios Chenerals d'as JSA Norma Bernad (1996-1997) (Como presidenta d'a Chestora provisional ta o VII Congreso) Lola Ranera (1997-2001) (VII Congreso Rechional, Uellos Negros 1997) (IX Congreso Rechional, Zaragoza 1999) Marta Aparicio (2001-2009) (X Congreso Rechional, Torrellas 2001) (XI Congreso Rechional, Uesca 2005) Raquel Yus (2009-) (XII Congreso Rechional, Uesca 2009)
Vinclos externos Pachina web oficial.
Categoría:Organizacions politicas chovenils d'Aragón