Iste articlo ye sobre una ciudat estausunidense capital d'o estau de Nueva York. Ta atros usos, se veiga Albany.
Albany ye una ciudat estausunidense, capital d'o estau de Nueva York y d'o suyo condau, o condau d'Albany. Welcome to Albany, NY!.
A suya población ye de 95.993 habitants (2007) en una superficie de 56,6 km², con una densidat de población de 1.695,99 hab/km². Sindembargo, ye muit vinculada con as localidaz mugants de Troy y Schenectady, con as cuals forma un conchunto, dito Capital District; ista aglomeración urbana tien arredol de 850.000 habitants.
Albany, establita en 1614, ye a segunda ciudat mas antiga establita por os europeus en o territorio d'as ditas Trece colonias, estando establita por os neerlandeses.
Cheografía A localidat d'Albany ye situata a una distancia de 219 km a o norte d'a ciudat de Nueva York, How far is it?. que ye a ciudat con mayor numero d'habitants d'o estau d'o mesmo nombre. Ye a man d'a confluyencia entre o río Mohawk y o río Hudson.
Historia A ciudat d'Albany estió a segunda localidat establita por os europeus en o territorio d'as ditas Treze colonias britanicas, dezaga de Jamestown (en Virchinia). Fue establita a prencipios d'o sieglo XVII, concretament en 1614, como una factoría comercial por o explorador Henry Hudson cuan feba exploracions en iste territorio dende 1609 por cuenta d'a Companyía Neerlandesa d'as Indias Occidentals en o suyo barco Halve Maen. Sindembargo, ya dende arredol de 1540 os primers europeus plegoron a o territorio, estando sindembargo colons franceses que treballaban como trampers ta arreplegar piels d'animals en a comarca, y que establioron un fuerte en Castle Island, tamién en l'actual estau de Nueva York, encara que iste fuerte fue luego albandonato.
Dende ixa calendata o territorio fació parte d'a colonia neerlandesa d'os Nuevos Países Baixos, que en 1624 establioron muit amanata, en Fort Orange (en a honor d'os prencipes d'Orange), a suya primera fortificación militar en a colonia, establindo dimpués a ciudat de Beverwijck en 1652. Cuan en 1664 Anglaterra conquerió a comarca, Beverwijck cambió o suyo nombre ta l'actual Albany, en a honor d'o duque de York y Albany, que luego se convertió en rei con o nombre de Chaime II d'Anglaterra.
Dende 1797 ye a capital d'o estau de Nueva York, en cuentas d'a ciudat de Kingston, que yera a capital dica ixas envueltas.
Localidaz achirmanatas right|thumb|250px|Anvista d'Albany. 22px Nassau (Bahamas). 22px Quebec (Canadá). 22px Verona (Italia). 22px Tula (Rusia). 22px Nijmegen (Países Baixos).
Vinclos externos
Pachina web oficial municipal.
Referencias
*