Idrisí ye o nombre d'una dinastía que dominó parte de l'actual Marruecos dende fins d'o sieglo VIII. Estió important en o proceso d'islamización d'os berbers.
Fue fundata en 788 por Idris I Alí Hassaní, presunto descendient d'o primo d'o profeta que fuyió d'a Meca y se refuchió en o norte de Marruecos. Una tribu local lo proclamó imán encomenzando una politica d'espansión territorial. Morió en l'anyo 791.
O suyo fillo Idris II yera de mai berber y musulmán ortodoxo. En 809 fundó a suya capital, Fez, que fue poblata con arabes de Cairuán, berbers, y chent d'o emirato de Cordoba, (beluns arabes, belatros muladís), convertindo-se en un foco d'arabización linguistica. O reino s'estendillaba sobre tot a o norte de l'Atlas.
Dende o reinato d'Idris II y Muhammad o estato idrisí fue enfeblindo-se por a ostilidat d'os micnasas, os fatimís y os omeyas de l'Al Andalus. Pero continoron propagando l'islam ortodoxo entre os berbers.
O zaguer monarca idrisí fue depuesto en l'anyo 923 por os fatimís.
Categoría:Dinastías islamicas Categoría:Dinastías berbers Categoría:Estaus desapareixius