Os afididos u afidos (en nomenclatura cientifica en latín Aphididae u Aphidae) son una familia d'insectos hemipteros ectoparasitos de plantas, con un numer encara indeterminato d'especies encabitas en catorce subfamilias. En aragonés, gosa clamar-se poleconsCon a variant polegón y as formas palatalizadas pollecón y pollegón. en conchunto a la población d'estes en ixambre que ye como se's sole trobar en una planta. L'individuo se designa como «cuca de polecón».
As cucas d'o polecón gosan fer una mida muit chicota, d'1 u 2 mm, con colors diversas. Be n'ha de grisas, negras, verdes u dica amariellas. O cuerpo el tienen simple, ovoidal, sin que se i pueda deseparar a capeza, tórax u abdomen. Cualques especies de plantas impiden que se i meta lo polecón fendo néctar de bels nectarios extraflorals, con a intención de proveyer a las fornigas con él y que ellas les en guarden limpias. Altras especies de polecón, en cambio, fan un producto dulz per l'abdomen que b'atrai as fornigas y son os himenopteros los cuals les guardan d'os depredadors. Be ha depredadors especializatos en o consumo de polecón, como as cuquetas de dios u as crisopas.
Subfamilias Aphidinae. Battichaitophorinae. Chaitophorinae. Drepanosiphinae. Greenideinae. Hormaphidinae. Lachninae. Lizeriinae. Myzocallidinae. Neophyllaphidinae. Pemphiginae. Phyllaphidinae . Saltusaphidinae. Taiwanaphidinae.
Galería d'imáchens
Ditos y mazadas As fabas con polecón y oliveras con a negra no te ferá mal a cena» Pedro Arnal Cavero: Refranes, Dichos, Mazadas... En El Somontano Y Montaña Oscense, Prames, 2013, ISBN 978-8483213957, p.64
Notas
Referencias
Vinclos externos
* Categoría:Animals parasitos