O condicional perfecto, condicional composau u condicional pasau ye una forma verbal composada de condicional que se fa servir en a proposición principal d'as oracions condicionals de hipoteticas de pasau.
Como forma verbal composada presenta dos elementos, un verbo auxiliar y un participio. En as luengas neolatinas este verbo auxiliar gosa estar un derivau d'o verbo HABĒRE ("haber"), que remató imposando-se a lo verbo auxiliar derivau de ESSERE (estar-ser) de determinaus verbos intransitivos (pronominals y de movimiento).
Encara que a perda d'este auxiliar se produció en as etapas inicials d'a historia de muitas luengas neolatinas, en belunas como o francés y en variants de l'aragonés como o cheso se mantiene encara l'uso d'o verbo derivau d'o ESSERE latín como verbo auxiliar en o condicional composau d'estos tipos de verbos intransitivos.
Condicional perfecto en l'aragonés
Como en atras luengas romances o condicional perfecto se fa servir en as proposicions subordinadas d'as oracions condicionals de pasau: Si l'hese sabido, te l'habrí dito (chistabín)* Brian Mott: El Habla de Gistain. Instituto de Estudios Altoaragoneses, 1989 pp 77..
Persona 1ª Conchugación 2ª Conchugación 3ª Conchugación 1ª Sing. Habría aduyau / aduyato Habría debiu / debito Habría partiu / partito 2ª Sing. Habrías aduyau / aduyato Habrías debiu / debito Habrías partiu / partito 3ª Sing. Habrías aduyau / aduyato Habrías debiu / debito Habrías partiu / partito 1ª Plur. Habríanos aduyau / aduyato Habríanos debiu / debito Habríanos partiu / partito 2ª Plur. Habríaz aduyau / aduyato Habríaz debiu / debito Habríaz partiu / partito 3ª Plur. Habrían aduyau / aduyato Habrían debiu / debito Habrían partiu / partito
Condicional perfecto en o francés
Persona Conchugación en -er 1ª Sing. (J') aurais parlé 2ª Sing. (Tu) aurais parlé 3ª Sing. (Il, elle, on) aurait parlé 1ª Plur.(Nous) aurions parlé 2ª Plur. (Vous) auriez parlé 3ª Plur.(Ils, elles) auraient parlé
L'uso d'o condicional perfecto (en francés conditionnel passé) se troba sobre tot en:
1) Oracions condicionals hipoteticas de pasau Ludivine Glaud, Yves Loiseau, Elise Merlet: Grammaire essentielle du françáis. B1. Les Éditions Didier, 2015, pp 125.. Si je l'avais su, je te l'aurais dit. Si l'hese sabido, te l'habrí dito.
2) Dolor mental de no haber feito una cosa (en francés regret). J'aurais Voulu Etre Un Artiste. (canción de Marion Ollivier). Yo habría quiesto estar artista.
3) Retreitos (en francés reproche). Vraiment, tu aurais pu vider le lavevaisselle Patricia Delahaie: Ces amours qui nous font mal. Marabout, 2013. En verdat, habrías puesto vudar/vaciar o lavador.
4) Una información no confirmada. On aurait retrouvé le corps de Mona Lisa, modèle de la Joconde. Habrían trobau o cuerpo de Mona Lisa, modelo de la Gioconda.
Referencias
Categoría:Tiempos verbals