Valent estió un emperador de l'Imperio Romano d'Orient. Ye naixito en l'anyo 328 de Cibalae (actual Vinkovci en Eslavonia, Croacia) y morió o 9 d'agosto de 378 en Andrianoplin. Yera de relichión cristiana arriana.
Estió emperador d'Orient con su chermano Valentinián I en Occident dende o 28 de marzo de 364 dica o 17 de noviembre de 375. Dende o 17 de noviembre de 375 estió emperador en Orient con os suyos sobrins Gracián y Valentinián II como emperadors en Occident.
En l'anyo 376 pactó con o visigodo Friticherno, que heba cruzato con part d'o suyo pueblo o Danubio fuyindo d'os hunnos, permitindo-li que os visigodos baixo o suyo mando s'establisen en Moesia. Dimpués os visigodos descontentos con as autoridaz imperials se rebeloron y en l'anyo 378 se produció a batalla d'Andrianoplin, on Valent morió.
Mencions en fuents aragonesas y navarras Ye mencionato en a "Cronica de Sant Chuan d'a Penya":
Tamién en a traducción que Chuan Ferrández d'Heredia acomandó de "Historia Romana" de Paolo Diacono y lo mencionan como Valient:
Categoría:Emperadors romanos Categoría:Emperadors Bizantins Categoría:328 (naixencias) Categoría:378 (muertes)