Iste articlo ye sobre o rei Sancho I de Portugal; ta atros usos, se veiga Sancho I.
Sancho I de Portugal, naixito de Coimbra l'11 de noviembre de 1154 y muerto tamién en Coimbra o 26 de marzo de 1212, estió un rei de Portugal, que puyó a lo trono a la muerte de su pai Alifonso I y bi estió dica la suya propia muerte.
En 1191 Sancho I conquirió Silves, un important centro economico de l'Algarve. Dedicó muitos esfuerzos en a organización politica, administrativa y economica de Portugal. Constituyó un tresoro reyal y fomentó a creyación d'industrias y comercio. Atorgó diversos fueros, creyó nuevas ciudaz y fomentó o poblamiento d'as tierras con inmigrants de Borgonya y Flandres. Por ixo, recibió a embotada d'O Poblador.
Oríchens familiars Sancho I de Portugal yera fillo d'Alifonso I, o primer rei independient de Portugal, y d'a suya muller Mafalda de Saboya, d'a familia d'os contes de Saboya.
Matrimonio y fillos Casó en 1175 con Dulcía d'Aragón, filla de Remón Berenguer IV, conte de Barcelona, y de Peyronela d'Aragón, reina d'Aragón, y tenioron 11 fillos:
l'infante Remón de Portugal (1180-1156). a infanta Teresa de Portugal (1176-1250), que casó en 1191 con o rei Alifonso IX de Leyón, beatificata en 1705. l'infanta Sancha de Portugal (1180-1229), abadesa de Lorvão, beatificata en 1705. a infanta Constanza de Portugal (1182-1202) l'infante Alifonso II de Portugal (1185-1223), rei de Portugal. l'infante Pero de Portugal (1187-1255), que casó en 1229 con Aurembiaix, contesa d'Urchel. l'infante Ferrando de Portugal (1188-1233), que casó con Chuana, contesa de Flandres. l'infante Henrique de Portugal (1189-1191). a infanta Blanca de Portugal (1192-1240), sinyora de Guadalachara. l'infanta Berenguera de Portugal (1194-1221), que casó en 1213 con Valdemar II de Dinamarca. a infanta Mafalda de Portugal (1195-1257), que casó en 1215 con Henrique I de Castiella, beatificata en 1793.
Categoría:Reis de Portugal Categoría:Naixius de Coimbra Categoría:1154 (naixencias) Categoría:1212 (muertes)