Die fetten Jahre sind vorbei (en alemán; Os anyos d'abundancia son remataus en aragonés), estrenada en Aragón como Los edukadores (Os edukadors en aragonés), ye una cinta austro-alemana de l'anyo 2004 escrita y dirichida por l'austriaco Hans Weingartner y protagonizada por Daniel Brühl. Fue nominada a la Palma d'Oro como millor cinta de 2004 en o Festival Internacional de Cine de Canas.
A cinta recenta os feitos esdevenius a tres activistas anticapitalistas anarquistas: Jule (Julia Jentsch), Peter (Stipe Erceg) y Jan (Daniel Brühl).
Argumento Jule ye una cambrera que treballa ta pagar a deuda en haber chocau con l'auto carismo d'un millonario (Hardenberg); debiu a los compromisos d'a deuda no puet pagar o loguero d'o piso y ha de mudar-se con o suyo novio Peter, qui comparte piso con o suyo amigo Jan.
Peter marcha de vacanzas enta Barcelona, por o que deixa a la suya novia con Jan, qui informa a ista d'as actividaz a las que s'adedican Peter y él de nueiz; os chóvens dentran en as casas de personas millonarias, desordenan as cosas y deixan mensaches como "Os suyos días d'abundancia son contaus" con o que quieren causar medrana psicolochica a los millonarios, pues no furtan brenca. Jule demanda a Jan de dentrar en a casa de Hardenberg, a qui adeuda os diners y que se troba de vacanzas. Dimpués de realizar as suyas actividaz Jule xublida o suyo telefono móbil en a mansión, por o que han de tornar-ie. Ya aintro son vistos por Hardenberg, qui bi torna inesperadament, asinas que deciden de gritar a Peter, qui tamién ha tornau d'o suyo viache y entre os tres prenen como hostache a Hardenberg adugando-lo enta una casa de campo d'un familiar de Jule an que remanan por bels días mientres resuelven que han de fer.
Astí se chenera una relación sentimental entre Jan y Jule que afecta a la relación d'amistat entre os tres. A la fin deciden de tornar a Hardenberg a casa suya, qui promete no denunciar-los. Dimpués aparentement no cumple a suya promesa y poco dimpués acude con un operativo policial a casa d'os chóvens, pero se la troban vueda y en a paret una nota que diz Manche Menschen ändern sich nie (bellas personas nunca no cambean). Peter, Jan y Jule ya han "eslampau" a Barcelona dimpues d'haber solucionau as suyas diferencias y dende asti continan con os suyos plans anticapitalistas.
Se veiga tamién Cine en 2004. Cintas de 2004.
Referencias
Vinclos externos Die fetten Jahre sind vorbei en IMDb. Pachina web oficial d'a cinta.
Categoría:Cintas con banda sonora orichinal d'Andreas Wodraschke Categoría:Cintas con dirección de fotografía de Daniela Knapp Categoría:Cintas con guión de Hans Weingartner Categoría:Cintas con guión de Katharina Held Categoría:Cintas con montache de Dirk Oetelshoven Categoría:Cintas con montache d'Andreas Wodraschke Categoría:Cintas d'Alemanya Categoría:Cintas d'Austria Categoría:Cintas de cine de drama Categoría:Cintas de cine de romance Categoría:Cintas dirichidas por Hans Weingartner Categoría:Cintas en alemán Categoría:Cintas interpretadas por Daniel Brühl Categoría:Cintas interpretadas por Julia Jentsch Categoría:Cintas interpretadas por Stipe Erceg Categoría:Cintas producidas por Antonin Svoboda Categoría:Cintas producidas por Hans Weingartner