Esta pachina tracta sobre o tronco d'o cuerpo. Pa o tronco d'os árbols se veiga tronco. thumb|Debuixo d'o tronco de una persona de sexo masculín (Gray's Anatomy). O troncoCon a variant trongo ye, en anatomía, una d'as partis fundamentals d'o cuerpo chunto a o tozuelo y os miembros. En a suya parti superior se troba o tozuelo, y d'os suyos costatos salen os miembros superiors u toracicos d'alto, y os miembros inferiors u pelvianos d'abaixo.
Tanto dende d'un punto de vista topografico como funcional o escleto d'o tronco s'organiza en columna vertebral, tórax y pelvis:
Columna vertebral Eixe fundamental d'o cuerpo, central y posterior.
Tórax Caixa osia elastica que contiene os polmons y o corazón, y en a parti superior d'a cual se fixan os miembros superiors u toracicos a traviés d'a cintura escapular, primer segmento d'o miembro correspondient. Ye decir, a cintura escapular no perteneixe a o tórax. O tórax lo forman: Porción dorsal d'a columna vertebral, por dezaga. O esternón, debant y d'alto, en o centro. As costiellas, por dezaga, debant y en os costatos.
Pelvis Especie de receptaclo en a parti inferior d'o tronco conformato por: Os coxals O sacro O cóccix Os coxals d'a pelvis son a mas a cintura pelviana que fixa os miembros inferiors a o tronco, mientres que sacro y cóccix son a fin d'a columna vertebral. Entre a pelvis y o tórax se troba en l'individuo vivo l'abdomen, de parez esencialment musculars.
O tronco aloxa os organos de l'aparato cardiopulmonar (corazón, pulmons y grans vasos), y os organos responsables d'a dichestión (estomago, bodiellos) y glandulas anexas (figado, pancreas). A mas contiene l'aparato urinario (rinyons, vuixiga), y l'aparato reproductor femenín (utero, ovarios, trompas de Falopio).
Notas
Referencias
Categoría:Aparato locomotor