Salvador Benítez Griñó ye naixito de Val de Robres (Matarranya) en 1918 y morió o 2 d'abril de l'anyo 2004 en Ceret (Francia). Estió un activista politico anarquista que prenió parte en a Guerra Civil espanyola y partecipó en a Resistencia francesa contra lo Tercer Reich. Estió relativament famoso por muitas decadas por a suya presencia regular en toz os eventos festivos que podeba, entre os que destacaba a nueit de cabo d'anyo en a Puerta del Sol de Madrit, en os que luciba curiosos traches de botons que él mesmo disenyaba y un batiauguas encara que no plebese.
En Val de Robres ye conoixito por a suya embotata familiar de Pajaritos, y li provién d'un familiar suyo (pai u avuelo), que yera un andaluz que treballaba en as obras d'o Entibo de Pena y cazó un au acuatica gran, li preguntoron que yera y dició un pajarito. Manimenos, fuera de Val de Robres y a suya redolata él s'ha feito dicir El Loco del Matarraña.
Poco enantes de rematar a Guerra Civil Espanyola s'exelló en Francia. Os alemans lo facioron preso y fue deportato d'o Campo de Concentración de Mauthausen, on teneba o numero 29.925. Él comenta que d'os siet de Valderrobres que yeran en Mauthausen no en sobrevivioron que dos. Dimpués d'a Segunda Guerra Mundial o gubierno alemán habió d'indemnizar-lo con una buena pensión, a la que se sumaban atras como a que li pagaba o gubierno francés por a suya participación en a Resistencia Francesa.
D'esta traza podeba dedicar-se a ir de fiesta en fiesta y exhibir-se con os suyos traches y a vegatas participar u organizar actividaz con muito inchenio. Sobre a suya afición a disenyar y coleccionar os traches y batiauguas plens de botons, él mesmo deciba en una entrevista:
O día d'o sorteyo d'a Lotería Nacional de Nadal siempre yera enfocato por as camaras de TVE, a l'igual que a nueit de cabo d'anyo en a Puerta del Sol.
Bibliografía Fernando Gallardo: El Maestrazgo, sierras de andar y ver. Revista Natura, Nº 77 Agosto de 1989, pach 64.
Vinclos externos Articlo d'o diario El Mundo quan a suya muerte Articlo de Temps de Franja quan a suya muerte Noticia en ABC sobre a suya muerte Informacions sobre Salvador Benítez en o blog d'o senador Ángel Lacueva
Categoría:Anarquistas d'Aragón Categoría:Muertos en Pireneus Orientals Categoría:Naixius de Val de Robres Categoría:Supervivients de Mauthausen Categoría:1918 (naixencias) Categoría:2004 (muertes)