Manolo Kabezabolo, embotada de Manuel Méndez Lozano, cantautor aragonés de punk naixito de Carenas, Zaragoza en 1966.
Biografía Debutó en Carenas (Zaragoza) en una tabierna propiedat d'uns amigos. Mientres os primers anyos como artista ni sisquiera teneba a suya propia guitarra, dimpués de fer conciertos en diferents tabiernas de Zaragoza y ganar bels diners en mercó una. De pai militar, as suyas parolas se caracterizan por estar plenas d'ironia y contrimostrar o suyo mal caracter.
Dica dimpués de quitar o primer disco tocaba nomás con a suya guitarra, encara que no destacaba por l'habilitat como instrumentista. Por ixo muita d'as suyas cancions no tienen un ritmo claro y, a vegatas, o tiempo ye mas rapedo y atras vegatas en ye menos. Ye particular d'él que entre canción y canción cuasi nian se mueva d'o micro, y mientres l'actuación nomás se limita a cantar y tanyer.
Mientres a decada d'os 1990 sacó a la venda diversos CDs y fació conciertos ta muitas provincias espanyolas. En concreto, destaca l'actuación en chulio de 1996 en o Doctor Music Festival. Ixe mesmo anyo decidió deixar de tocar en solitario y fundó o grupo "Manolo Kabezabolo y los que se van del bolo".
Dica l'anyo 2000 Manolo estió en un centro psiquiatrico como a consecuencia d'un fuerte ataque esquizofrenico que prencipió a meyatos d'aviento de l'anyo 1993. Dende ixe dia nomás se le permitiba salir os cabos de semana, os que aproveitaba ta fer bel concierto y desfogar-se.
En 2005 fa una chira por a Republica Dominicana. Se tracta d'a primera representación d'un grupo espanyol de punk en Santo Domingo. En a suya presentación participoron integrants de La Reforma y L'Armada Roja, con qui compartió escenario.
En 2007 decidió suspender os zaguers conciertos d'a chira decindo sentir-se estresato, ta tornar a os escenarios o 19 de chinero de 2008 en Durango, con motivo d'a gravación de un CD y DVD de Piperrak, compartindo escenario con éls, con Segismundo Toxicómano y con Lendakaris Muertos.
Discografia Discos Ya Hera Ora - 1995 La nueva mayoría - 1997 Resina, agua y ajo - 1999 2001: La odissea va despacio - 2001 Aversiones- 2005 Kagate Kid - 2008 Si todavía te kedan dientes, es ke no estuviste ahí - 2014 Tanto tonto monta tanto - 2020
Atras A los kolegas - 1992 (Maqueta) De Empalmada - 1992 (Maqueta) Aversiones - 2006. Creyato con caracteristicas d'una maqueta en cuanto a sonito y distribución (nomás se veden en locals a on da conciertos y en centros socials okupas). Ye composata por diferents versions de temas muit famosos d'os Ramones, The Beatles, Bob Dylan, Concha Velasco, Miguel Rios... dica 21 cantaires diferents.
filmografía Shacky Carmine (1999): Apareixe poquez menutos como o cantaire Steak Thomas, atamas prencipia a cantar que dentren os antidisturbios a o local.
Vinclos externos Web oficial d'o cantaire Diario El mundo - Trobadas dichitals: Manolo Kabezabolo. La Factoría del Ritmo
Categoría:Punk Categoría:Cantaires d'Aragón Categoría:Cantaires en castellano Categoría:Musicos d'Aragón Categoría:Naixius de Zaragoza Categoría:1966 (naixencias)