O Partit dels Socialistes de Catalunya u PSC (en catalán; Partiu d'os Socialistas de Catalunya en aragonés) ye un partiu politico catalán, establiu o 16 de chulio de 1978 por a fusión d'a Federación de Catalunya d'o Partido Socialista Obrero Español con o Partit Socialista de Catalunya-Congrés y con o Partit Socialista de Catalunya-Reagrupament. A suya ideolochía ye socialista u socialdemocrata y progresista y se sitúa en o centro-ezquierda. Fa parte en Europa d'o Partiu Socialista Europeu y dende o punto d'anvista internacional fa parte d'a Internacional Socialista. A suya chovenalla ye a Joventut Socialista de Catalunya.
En 1979 partecipó por primera vegata como partiu unificato en unas eleccions, as eleccions municipals espanyolas de 1979, a on conquirió cuantas alcaldías dimpués de pactar con o Partit Socialista Unificat de Catalunya y atras fuerzas politicas catalanas d'ezquierda. En as eleccions a o Parlamento de Catalunya de 2003 o PSC formó un Gubierno de coalición con Esquerra Republicana de Catalunya y con Iniciativa per Catalunya, presidito por o socialista Pasqual Maragall, reeditato en sucesivas eleccions pesidito por l'actual president d'a Cheneralidat de Catalunya, José Montilla (secretario cheneral d'o partiu).
En as eleccions a o Parlamento de Catalunya de 2012, o 25 de noviembre de 2012, o Partit dels Socialistes de Catalunya, con 20 deputatos, tenió una perdua de 8 escanyos en o Parlamento de Catalunya sobre os 28 d'as eleccions anteriors, estando amás o tercer partiu por numero d'escanyos dezaga de Convergència i Unió y d'Esquerra Republicana de Catalunya, en os suyos peyors resultatos d'a historia en una eleccions autonomicas catalanas. CiU pierde peso pero l'independentismo vence con fuerza en Catalunya, en Arredol.
Vinclos externos
Pachina web oficial d'o Partit dels Socialistes de Catalunya.
Referencias
*