Thymus (L., 1758) ye un chenero de plantas que fa parte d'a familia Lamiaceae, naturals d'Europa meridional y d'a cuenca mediterrania, en do habitan sobre substratos calsinosos en solans y terreros. Tienen port herbacio, muit ramificadas dende que brosta o tallo, a sobén con as partes mas viellas d'a planta que se les gosan tornar lenyosas. As fuellas son muit menudas (fan dica poquez milimetros) y coriacias, con una florada primeral copiosa y muit aromatica. As flors son tamién muit menudas, con colors que bailan dende blancas dica rosas u moradas. A especie mas común en Aragón ye Thymus vulgaris.
No suportan guaire bien a humedat elevada en o terreno, per el que gosan putrir-se-les as venas. Manimenos, treito d'a humedat, resisten a saber lo bien as condicions extremas, dende as temperaturas caldas estivals dica os hibiernos mas fridos y secos, motivo per el que as especies miembros son bien abundants en a cuenca mediterrania y especialment en a Peninsula Iberica, dende a costa dica bels 1000-1200 metros d'altitut. Bellas especies se cautivan como plantas ornamentals y aromaticas, y dende antigo han gosau conoixer emplego como plantas medicinals Thymus, per mor d'a presencia d'o timol, una substancia fenolica con propiedaz antisepticas contra bacterias y fongos que se troba en os suyos teixius.
Especies O chenero poseye cuasi 350 especies, entre ellas: Thymus albicans Thymus adamovicii Thymus bracteosus Thymus broussonetii Thymus caespititius Thymus camphoratus Thymus capitatus Thymus capitellatus Thymus carnosus Thymus cephalotus Thymus cherlerioides Thymus cilicicus Thymus cimicinus Thymus citriodorus Thymus comosus Thymus comptus Thymus doerfleri Thymus glabrescens Thymus herba-barona Thymus hirsutus Thymus hyemalis Thymus integer Thymus leucotrichus Thymus longicaulis Thymus longiflorus Thymus loscosii (virigüeta) Thymus maroccanus Thymus mastichina Thymus mastigophorus Thymus membranaceus Thymus moroderi Thymus nummularis Thymus odoratissimus Thymus pallasianus Thymus piperella Thymus praecox Thymus pulegioides Thymus quinquecostatus Thymus richardii Thymus serpyllum (tremoncillo de puerto u tremoncillo rastrero) Thymus striatus Thymus thracicus Thymus villosus Thymus vulgaris (tremoncillo) Thymus zygis'' (tremoncillo olivero)
Imáchens
Referencias
Vinclos externos
Categoría:Thymus Categoría:Plantas medicinals