Gayo Salustio Crispo (en latín, Gaius Sallustius Crispus, ), que gosa estar conoixito simplament como Salustio, estió un historiador y politico d'a Republica Romana, naixito d'Amiternum l'1 d'octubre de 86 aC y muerto en Roma o 13 de mayo de 34 aC.
Respective d'a suya carrera politica, encara que procedeba d'una familia d'orichen plebeyo, ocupó os cargos que gosaban ocupar os politicos romanos d'ixas envueltas mientres o suyo cursus honorum: cuestor, tribuno d'a plebe y senador, estando dimpués forachitato d'o Senau de Roma. Mientres a Segunda Guerra Civil d'a Republica Romana, luitó a favor de Chulio César contra Cneu Pompeyo Magno, estando recompensato por César dimpués d'a suya victoria con a suya readmisión en o Senau, con o cargo de pretor y con o suyo nombramiento como gubernador d'a provincia romana d' Africa Nova. Albandonó a vida politica luego de l'asasinato de Chulio César.
Respective d'a suya obra historica, ye autor de tres obras prou conoixitas, De Catilinae coniuratione, Bellum Iugurthinum y Historiae, que se considera que son as establidoras d'a historiografía romana.
Vinclos externos
Categoría:Historiadors de l'Antiga Roma Categoría:Politicos de l'Antiga Roma Categoría:86 aC (naixencias) Categoría:34 aC (muertes)