Margarida Xirgu (Margarida Xirgu i Subirà), naixita de Molins de Rei (Baixo Llobregat, Catalunya) o 18 de chunio de 1888 y muerta en Montevideo (Uruguai) o 25 d'abril de 1969, estió una actriz catalana, activa en os escenarios dende primerías d'os anyos 1900 (profesionalment, dende meyatos d'ixa mesma decada). Trebaló en obras teatrals en catalán dica primerías d'os anyos 1910, cuan dimpués d'establir a suya propia companyía teatral pasó a actuar en castellano fendo una chira por America d'o Sud. Cuan prencipió a Guerra Civil espanyola yera fendo una chira en Sudamerica, y en rematar a guerra con a victoria franquista no tornó a Espanya, por a suya ideolochía republicana (teneba muita amistat con Manuel Azaña, Federico García Lorca y atros intelectuals republicanos), exiliando-se en Uruguai y nacionalizando-se ciudadana d'ixe país, a on morió. En 1988 a Cheneralidat de Catalunya demanó o retorno d'as suyas despullas, que fuoron apedacatas en a suya localidat natal.
Vinclos externos
Margarita Xirgu en IMDb. «Margarida Xirgu, el teatre» (audio). l'Arxiu de la Paraula. Ateneu Barcelonès, 2014.
Categoría:Actrices de Catalunya Categoría:Actrices d'Uruguai Categoría:Exiliaus d'o franquismo Categoría:Muertos en Montevideo Categoría:Naixius d'a provincia de Barcelona Categoría:Naixius d'o Baixo Llobregat Categoría:1888 (naixencias) Categoría:1969 (muertes)