O castiello de Troncedo ye un castiello medieval d'Aragón que se troba en o lugar de Troncedo, en o municipio d'a Fueva (comarca de Sobrarbe), y a provincia de Uesca. Troncedo ye una localidat que se troba en l'extremo sud-oriental d'a subcomarca natural que ye a Fueva, fendo de muga con Ribagorza baixa.
O castiello de Troncedo se troba en un garrot en alto d'un cerro que fa parte natural d'a sierra de Campanué u d'o Turón, en as espuendas en dreita d'o barranco d'o Salinar, en una posición de tot avantallosa ta cosirar o paso mas frecuent y comodo que siempre ha gosau existir entre a ribera de Graus (Ribagorza) y o sector mas sud-oriental de Sobrarbe. A suya importancia estratechica se confirma con a linia visual que mantiene con l'asentamiento fortificau de Muro de Roda y con os castiellos de Sant Mitier.
En a suya construcción s'aprofeitó a penya que de natural feba sallent alto d'o barranco como base ta lo recinto amurallau, fendo sumar ista defensa natural a las que se i construyioron. O recinto s'estructura en una era en cantimplano, en un recuesto a on que a penya forma cillos en a mayoría d'o suyo perimetro, treito de o costau norte que contacta con o nuclio urbano, que se troba habilment bloqueyau con a torre de l'homenache.
A torre de l'homenache ye a construcción mas visible d'o castiello, y con él, de tot Troncedo. S'ha puesto conservar dreita dica l'actualidat. Se tracta d'un edificio imponent, «Troncedo» en a pachina RomanicoAragonés.com, consultada o 31 d'octubre de 2010. anque ha gosau perder tot o suyo interior, conservaba dreitos os muros que le daban perimetro pentagonal, anque con graus espaldaturas en o canto sud-occidental. A torre fa mas de 10 metros d'altaria, y en a part d'alto se conservan 5 finestras (una por cada costau d'a torre) que probablement teneban misión defensiva.
Se'n guarda documentos que dan referencia d'a suya importancia ya en o reinau de Sancho lo Mayor, en una epoca que cal entender que encara no s'heba reconquiesto a villa de Graus, y por ixo heba de representar un valuart principal en a defensa d'ista part d'os territorios cristianos, en estando a primer fortificación que, malas que una expedición musulmana mirase d'invadir por a Fueva, se concararía con ella.
En l'anyo 1152, Remiro II lo Monche les ne cedió a o bispau de Roda d'Isabana, «Patrimonio románico: Castillo de Troncedo» en a pachina oficial d'o patronato de turismo de Sobrarbe, consultada o 31 d'octubre de 2010. el que puede interpretar-se como una disminución d'a suya importancia ta cuan ya s'heba reconquiesto as poblacions en sud de a Fueva. O Castiello de Troncedo fa parte, en chunto con os castiellos de L'Abizanda, d'Escanilla y Sant Mitier, d'el que cualques autors han dau a clamar linia de defensas exteriors de Sobrarbe.
Imáchens
Se veiga tamién Sierra d'o Turón. Barranco d'o Salinar. Castiello de Sant Mitier. Muro de Roda. Graus. Tozal de Trillo.
Referencias
Categoría:Biens d'Intrés Cultural de Sobrarbe Troncedo Troncedo Categoría:Castiellos romanicos d'Aragón Categoría:Arquitectura romanica en Aragón Categoría:Molimentos de Troncedo