Iste articlo tracta sobre Muro de Roda que ye un municipio auxidito. Ta altros emplegos d'o toponimo «Muro de Roda» se veiga Muro de Roda (desambigación).
Muro de Roda ye un municipio historico d'Aragón en a comarca de Sobrarbe y a subcomarca natural que ye a Fueva. Se o puede documentar dende os primers censos modernos de 1842 «Muro de Roda» en a subpachina «Alteraciones de los municipios en los Censos de Población desde 1842» d'o Instituto Nacional de Estadística, consultada l'1 de noviembre de 2010 dica a suya absorción en o municipio de a Fueva en a decada de 1960.
Muro de Roda prene o suyo nombre d'o lugar fortificau de Muro de Roda, en l'altura d'o tozal de Muro, que ye una población medieval documentada dende o reinau de Sancho lo Mayor «Cultura y patrimonio» en a pachina oficial de l'achuntamiento de a Fueva, consultada l'1 de noviembre de 2010. (sieglo XI). Anque en os primers documentos i suele amaneixer o nombre de «Muro Mayor», «Conjunto histórico-artístico Muro de Roda» en a pachina oficial de l'achuntamiento d'A Fueva, consultada l'1 de noviembre de 2010. diz que l'apelativo «de Roda» se l'apegó a radiz d'a suya transmisión a o bispau de Roda en tiempos de Remiro lo Monche, bellos 100 anyos dimpués. Muro de Roda va estar a cabecera d'o municipio homonimo dica que, en dir-se despoblando, se a gosó tresladar ta o Lumo de Muro que ye a capital que se conserva en l'alcordanza popular en a redolada.
O municipio se formaba con tres lugars, que son o Lumo de Muro, Muro de Roda y Ministirio, toz tres siga alto u en as inmediacions d'a sierra de Muro de Roda, mas as once pardinas que yeran Carrera, a Plana, Fumanal, a Corona, Montero, o Pamporciello, Susiaz, a Lecina, y o Plano, que se troban todas en os calcils de a dita sierra. A demás, en o periodo intercensal 1842-1857 se i van unir os lugars d'o municipio de Charo, «Charo» en a subpachina «Alteraciones de los municipios en los Censos de Población desde 1842» d'o Instituto Nacional de Estadística, consultada l'1 de noviembre de 2010 que rodeyan o tozal de Charo, y que son o Pocino de Charo, Charo, Aluchán, a Lueza y o Sotero.
Demografía
Evolución d'a población de Muro de Roda dende 1857.
Os atros municipios absorvidos en a Fueva Toledo d'a Nata Moriello de Monclús Pallaruelo de Monclús Mediano Clamosa
Referencias
Categoría:Municipios d'Aragón desapareixius Categoría:A Fueva