Iste articlo tracta sobre a sierra de Muro de Roda. Ta altros usos d'o toponimo «Muro de Roda» se veiga Muro de Roda (desambigación).
A sierra de Muro de Roda ye un sarrato d'Aragón, en a comarca de Sobrarbe, que desparte a val natural de o río Cinca y a Fueva, en delimitando parcialment a ista zaguera como subcomarca.
Fa bels 9 kilometros de lonchitut, en sentido cuasi de tot norte-sud, y tiene o cabo norte en o congosto d'as Natas, a man de poblacions como Griébal y Arro (en a parte mas oriental d'o termin municipal de L'Aínsa-Sobrarbe, en a ripa dreita d'a Cinca) y o cabo sud en o congosto de o barranco d'a Usía, a man de Mediano y o Lumo de Muro. Se tracta d'un sarrato menor, sin guaire mas importancia que por a delimitación clara que ofreix de dos d'as tres principals cuencas en que gosa subdividir-se o Sobrarbe meridional.
O sarrato prene nombre de o lugar fortificau de Muro de Roda, historico enclau documentable dende o sieglo XI, que se troba virtualment en l'altura (1008 metros d'os 1036 maximos que se i aduben). En l'actualidat, Muro de Roda ye despoblau, pero va estar a capital de un municipio dito Muro de Roda dica la segunda mitat d'o sieglo XX. Derrepartidos por as garras d'a sierra se troba os lugars de Ministirio, o Lumo de Muro, Fumanal, a Corona, Arasanz, a Plana, Susiaz, a Lecina y Griébal
Se veiga tamién Belaltros accidents topograficos que delimitan o perimetro d'a Fueva: Tozal de Charo Tozal de Trillo Sierra de l'Entremont Sierra d'Arro Sierra de Campanué Sierra Ferrera
Muro de Roda Categoría:Sierras de Sobrarbe Categoría:Cheografía d'a Fueva Muro de Roda