John Michael Osbourne, mas conoixito como Ozzy Osbourne, estió un cantaire y compositor de heavy metal naixito o 3 d'aviento de 1948 de Birmingham, Anglaterra y muerto en o mesmo puesto o 22 de chulio de 2025. Estió miembro d'o grupo Black Sabbath, prencipiando dimpués una luenga carrera en solitario.
Biografía Fillo de John Tomas y Lillian Osbourne. Estió o cuatreno de seis chirmans: tres chirmanas mas grans (Jean, Iris y Gillian) y dos chirmans mas chicoz (Paul y Tony). Dimpués d'una nineza pobre, en una família desestructurata, deixó a escuela a os 15 anyos y dimpués de fer diferents fainas prencipió una carrera delictiva. Poco dimpués fue detenito por robo y condenato a 3 meses de garchola (parti d'os suyos tatuaches perteneixen a ista epoca).
Estió cantaire en chicoz grupos musicals dica que conoixió a Tony Iommi, Bill Ward y Terence "Geezer" Butler, chunto a os que formó o grupo musical Earth que mes entabant se diría Black Sabbath.
Tien seis fillos: Elliot, Louis, Jessica (d'o suyo primer matrimonio) y Aimee, Kelly y Jack (d'o matrimonio con Sharon Osbourne).
A suya vida ha estato siempre marcata por l'adicción a diversas drogas y a excentricidat. Una d'as anecdotas mas conoixitas ye cuan rancó o tozuelo d'un muriciego d'un mueso, mientres un concierto. A historia se repitió en una chunta d'a cadena BBC, ista vegada con dos palomos, que i levó seguindo un consello d'a suya muller, como simbolo d'a paz; l'exceso d'alcohol le fació ixublidar o proposito.
En 1989 fue detenito por intento d'homicidio d'a suya muller. Dimpués de 3 meses d'internamiento en un centro de desintoxicación a parella se reconcilió.
En 2001 a cadena MTV fació una serie dita "The Osbournes", protagonizata por a suya familia y rodata en casa suya, que le tornó a fer popular.
Fallecimiento En l'anyo 2020, Osbourne reveló que patiba d'enfisema, una malautía pulmonar causata por o tabaquismo. O 22 de chulio de 2025, Osbourne morió a los 76 anyos en a suya residencia en Birmingham rodiato d'a suya familia, dimpués de cuasi 16 anyos de luita contra a malautía de Parkinson y menos de tres semanas dimpués d'o suyo concierto de despedita Back to the Beginning reyalizato en o estadio Villa Park o 5 de chulio de 2025. Ozzy Osbourne dies just weeks after farewell show. Gemma Peplow. Sky News, 22 de chulio de 2025 Ozzy Osbourne has died at the age of 76. ITV News Central, 22 de chulio de 2025 Ozzy Osbourne: 'If I'd have gone to church I'd still be there now, confessing all my sins!'. GQ, 26 de noviembre de 2020.
Discografía Con Black Sabbath 1970: Black Sabbath. 1970: Paranoid. 1971: Master of Reality. 1972: Black Sabbath, Vol. 4. 1973: Sabbath Bloody Sabbath. 1975: Sabotage. 1976: Technical Ecstasy. 1976: We Sold Our Soul for Rock 'n' Roll. 1978: Never Say Die!. 1998: Reunion. 2002: Past Lives.
En solitario 1980: Blizzard of Ozz. 1981: Diary of a Madman. 1983: Bark at the Moon. 1986: The Ultimate Sin. 1987: Tribute. 1988: No Rest for the Wicked. 1991: No More Tears. 1993: Live & Loud. 1995: Ozzmosis. 2001: Down to Earth. 2002: Live at Budokan. 2007: Black Rain. 2010: Scream. 2020: Ordinary Man. 2022: Patient Number 9.
Referencias
Vinclos externos
Pachina web oficial.
Categoría:Cantaires d'o Reino Uniu Categoría:Cantaires de heavy metal d'o Reino Uniu Categoría:Cantaires en anglés Categoría:Muertos en Birmingham Categoría:Naixius de Birmingham Categoría:1948 (naixencias) Categoría:2025 (muertes)