Iste articlo ye sobre lo filologo aragonés José Manuel Blecua Perdices; ta atros usos, se veiga José Manuel Blecua .
José Manuel Blecua Perdices, naixiu de Zaragoza (Comarca Central, Aragón) o 21 de chunio de 1939 y falleixiu en Madrit (Comunidat de Madrit, Espanya) o 29 de mayo de 2026, Daniel Monserrat: Muere el filólogo aragonés y exdirector de la RAE, José Manuel Blecua Perdices: adiós a una manera de entender la lengua, en El Periódico de Aragón, 29 de mayo de 2026. estió un filologo y lexicografo aragonés, fillo d'o tamién filologo y gramatico José Manuel Blecua Teijeiro, y chermano d'o tamién filologo Alberto Blecua Perdices. Ingresó en l'anyo 2006 en a Real Academia Española con o sillón h, y lo 16 d'aviento de 2010 estió esleyiu director d'ista institución. El zaragozano José Manuel Blecua, nuevo director rae. Heraldo de Aragón. 17 d'aviento de 2010.
Biografía En chunto a su chermano Alberto s'aficionó a la lectura en leyendo cómics y literatura popular. En l'Instituto Goya a on i treballaba su pai tenió como profesor a filologos de l'altaria de Francisco Ynduráin en Historia d'a Literatura u Ildefonso Manuel Gil; iste zaguero estió especialment important ta él. Estió profesor d'amostranza meya y dimpués catedratico de Luenga Espanyola en a Universidat Autonoma de Barcelona, a on dirichió o Seminario de Filolochía y Informatica. Tamién ye estau o director academico de l'Instituto Cervantes.
Ha estau profesor invitau d'a Ohio State University (1970) y y en o Centro de Lingüísticos y Literarios d'El Colegio de México (1986-1987). Con Juan Alcina Franch ye autor d'una Gramática Española; dirichió lo Diccionario general de sinónimos y antónimos y ha publicado a-saber-los treballos de lexicografía y sobre historia d'as ideyas lingüisticas en Espanya, l'aplicación d'as nuevas tecnolochías a l'estudio d'a luenga espanyola y l'estudio d'o espanyol como luenga estranchera. Ye autor d'o libro d'estilo d'o diario barcelonés La Vanguardia. Obtenió lo premio Aragón, en a suya modalidat nacional, en 2005 y estió o president d'a Comisión Estatal ta la celebración d'o IV Centenario d'El Quijote.
Obras Atlas de la literatura española. Barcelona, Jover, 1972. Lingüística y significación. Barcelona, Salvat, 1973. Gramática española. Barcelona, Ariel, 1979. (Con Juan Alcina Franch) Qué es hablar. Barcelona, Salvat, 1982. Literatura española. Madrid: SA de Promoción y Ediciones, 1988. Diccionari avançat de sinònims i antònims de la llengua catalana. Barcelona, Bibliograf, 1997. 7.ª ed. (Como director.) Estudios de grafemática en el dominio hispánico. Salamanca, Universidad de Salamanca / Instituto Caro y Cuervo, 1998. (Como editor, con Juan Gutiérrez y Lidia Sala.) Diccionario general de sinónimos y antónimos. Barcelona: VOX Universidad, 1999. (Como director.)
Referencias
Categoría:Alumnos d'a Universidat de Zaragoza Categoría:Catedraticos d'a Universidat Autonoma de Barcelona Categoría:Filologos d'Aragón Categoría:Ganadors d'o Premio d'as Letras Aragonesas Categoría:Lexicografos d'Aragón Categoría:Miembros d'a Real Academia Española Categoría:Muertos en Madrit Categoría:Naixius de Zaragoza Categoría:1939 (naixencias) Categoría:2026 (muertes)