Felipe VI de Borbón y Grecia (Madrit, Espanya, 30 de chinero de 1968), naixiu Felipe-Chuan Pavlo-Alifonso de Toz os Santos de Borbón y Grecia (Felipe Juan Pablo Alfonso de Todos los Santos de Borbón y Grecia en castellano), ye lo rei d'Espanya dende lo 19 de chunio de 2014. Ye lo tercer fillo d'os reis Chuan Carlos I d'Espanya y Sofia de Grecia.
Ye licenciau en Dreito por a Universidat Autonoma de Madrit (1993) y máster en Relacions Internacionals por l'Edmund Walsh School of Foreign Service d'a Universitat de Georgetown (1995). Ha recibiu formación militar en l'Academia Cheneral Militar de Zaragoza, a Escuela Naval Militar de Marín y l'Academia Cheneral de l'Aire de San Javier.
Estió miembro de l'equipo olimpico de vela espanyol en os Chuegos Olimpicos de Barcelona 1992, desfilando como abanderau d'a selección espanyola en a suya inauguración.
O 22 de mayo de 2004 se casó con a periodista asturiana Letizia Ortiz Rocasolano, con a que ha teniu dos fillas: o 31 d'octubre de 2005 a infanta Alionor y lo 29 d'abril de 2007 a infanta Sofia.
En naixer teneba la dignitat d'infant d'Espanya y dende lo 12 d'octubre de 1977 o títol de prencipe d'Asturias, con o tractamiento d'Alteza Reyal. Dende o 21 d'abril de 1990 estió tamién prencipe de Chirona, estando lo primer Borbón en fer servir iste títol. Tamién tenió lo títol de prencipe de Viana y atros títols propios d'os primochenitos d'os reinos hispanicos. O 30 de chinero de 1986, en fer deciueito anyos, churó fidelidat a la Constitución y a lo rei, debant d'as Corz Chenerals.
O 2 de chunio de 2014 su pai, Chuan-Carlos I, anunció la suya abdicación. O 19 de chunio lo succedió Felipe de Borbón, dimpués d'a Lei Organica 3/2014, de 18 de chunio. Ley Orgánica 3/2014, de 18 de junio, por la que se hace efectiva la abdicación de Su Majestad el Rey Don Juan Carlos I de Borbón. O suyo nombre reyal oficial (que sigue la numeración propia d'a Corona de Castiella) ye Felipe VI, anque seguntes a numeración de l'antiga Corona d'Aragón li correspondería lo de Felipe V d'Aragón.
Galería d'imáchens
Árbol chenealochico
Referencias
Vinclos externos
Pachina web d'a Casa Reyal d'o rei d'Espanya.
Categoría:Alumnau de l'Academia Cheneral Militar Categoría:Alumnos d'a Universidat Autonoma de Madrit Categoría:Alumnos d'a Universitat de Georgetown Categoría:Alumnos d'o Walsh School of Foreign Service Categoría:Casa de Borbón Categoría:Chefes d'Estau d'Espanya Categoría:Galardonaus con a Medalla d'as Corz d'Aragón Categoría:Naixius de Madrit Categoría:Prencipes de Chirona Categoría:Prencipes d'Asturias Categoría:Prencipes de Viana Categoría:Regatistas d'a Comunidat de Madrit en os Chuegos Olimpicos de 1992 Categoría:Reis d'Espanya Categoría:1968 (naixencias)