thumb|250px|Ian Gillan tanyendo l'air guitar L'air guitar (en anglés literalment "guitarra d'aire") ye una actividat en que se fa cenyos como si s'estase tanyendo una guitarra imachinaria. O musico fa veyer que tien una guitarra entre as mans y ye tanyendo musica, por un regular electrica. A interpretación incluye riffs y solos de guitarra d'estilos como o rock u o heavy metal.
En 1969, en o Festival de Woodstock, Joe Cocker en fació una demonstración. Joe Cocker, Woodstock 1969
Concursos thumb|right|250px|Kevin "Narvalwaker" Leloux en o Campionato d'o Mundo d'air guitar en 2010 en Oulu, Finlandia A organización de competicions d'air guitar son prou habituals en muitos países. As primeras competicions d'air guitar se facioron en primerías d'os anyos 1980 en Suecia y os Estaus Unius. Dende 1996 bi ha un Campionato d'o Mundo d'Air Guitar que se celebra anualment como parti d'o Festival de Musica d'Oulu en Finlandia. www.airguitarworldchampionships.com A ideya prencipió como una broma, pero s'ha convertito en un evento important aintro d'o festival.
En Aragón tamién s'han feito campionatos d'air Guitar como o que se celebró en 2010 en Zaragoza ta promocionar os festivals de musica d'a provincia Air Guitar - Zaragoza Provincia Creativa
Referencias
Categoría:Guitarra