Iste articlo ye sobre una grupo de rock. Ta atros usos d'a parola se veiga mallacán (desambigación)
Mallacán ye un grupo de rock en aragonés. Fue creyata en 1992, a suya primera gravación ye una maqueta en casette, Entalto a revolución! en 1995 y dende allora han publicato cuatro discos: Luen d'o paradiso en 1999, Chera chera! en 2002, País zierzo en 2005 y Mar de suenios en 2009.
A musica de Mallacán ye una fusión de rock, folk, ska y reggae.
Components y instrumentos Actualment bi ha siet componens en o grupo, pero bi ha habito muitos cambios en a suya historia:
Fernando: voz y guitarra Arturo: batería Sito: guitarras Mario: baixo Eduardo: trompa y percusions Alex: trombón, percusión y voces Jandro: gaita de boto aragonesa, teclaus, curdión y donzaina aragonesa.
Destaca l'emplego d'instrumentos tipicos d'Aragón como a gaita de boto y a donzaina.
Discografía 1995: Entalto a revolución!: ye a suya primera maqueta. Apareixe en octubre de 1995 y ye formata por nueu cancions gravatas en directo en a sala Jai-Alai de Uesca. 1999: Luen d'o paradiso: o primer disco amaneixe en 1999. Bi ha doce cancions que charran d'a immigración, a muller, a ecolochía y a esfensa d'a luenga aragonesa. A zaguera canción d'o disco ye una versión d'o "Gora Herría" de Negu Gorriak en basco. 2002: Chera, chera!: fue editato en abril de 2002. O títol ye una expresión que yera emplegata en o Pireneu ta escatizar o fuego d'o fogaril. Bi ha catorce cancions, una d'eras en catalán, atra en francés y dos en castellano, una ye una versión de Más Birras. 2005: País zierzo: fue gravato en o barrio d'o Gancho en Zaragoza y masterizato en Bérriz (Bizcaya) por Lorentzo Records. Bi ha doce cancions, una en catalán y a resta en aragonés. 2009: Mar de suenios: amaneixe en mayo de 2009. Incluye 14 cancions gravatas en os estudios Rap Solo de Zaragoza y masterizatas en Masterdisk en Nueva York. O suyo primer single estió "Canta Trista d'Irina".
Se veiga tamién Cancions de Mallacán.
Vinclos externos Pachina oficial. Video con a Canción trista d'Irina.
*