O faro Santa Catalina de Lekeitio ye un faro que se troba situau aintro d'o termin municipal de Lekeitio (País Basco), en o Cabo de Santa Catalina.librodefaros.com: Faros del Cantábrico Amán d'o faro bi ha una capiella d'o mesmo nombre an van os familiars d'os pescataires cuan bi ha temporals.Faros de Euskadi.
Historia Se devantó en l'anyo 1862 sobre una torre conica de base octogonal de 13 metros d'altaria a 46 metros sobre o livel d'a mar en as paretadas d'o cabo Santa Catalina. Fue un prochecto d'Amado Lázaro, estando subastau en 1861 en 22.825 rials. Ista obra se fació ta dar servicio a lo trampo costero no cubierto por os faros de Zumaia y Matxitxaco. Enchegando-se a suya lampa por primera vegada o 15 de noviembre de 1862..
En 1935 s'enampla o suyo abasto a 12 millas gracias a l'instalación d'acetileno que substituye a la lampa de petrolio que i heba, encara que mantién a optica y a linterna. Por as frecuents boiras, en 1956 s'instaló una bocina electrica con 6 millas de radio d'actuación..
Con as obras d'electrificación y reforma de 1957 que se i fación, que recreixioron a torre y cambioron a optica y a lampa, o faró adhubió lo suyo abasto actual de 24 millas. Dimpués d'ista intervención, a iluminación pasó a fer grupos de lampadiadas blancas (1 mas 3) cada 20 segundos. Mientres que a bocina lo feba en tongadas de 4 sonius en letra L Morse cada 20 segundos.
En l'anyo 1975 se cambió de nuevo a luz, que deixó d'emitir a lampiadas ta fer-lo con una luz contina, encara que chiratoria.
En l'anyo 2010 li se realizoron unas obras d'esviellamiento, con un coste de 2,7 millons d'euros d'inversión, que rematoron con a redevantadera d'o faro o 26 de marzo de 2010 como Centro d'Interpretación d'a Tecnolochía d'a Navegación, convertindo-se d'ista traza en o primer faro vesitable d'o País Basco. Deia: Lekeitio inaugura o 26 de marzo o faro de Santa Catalina, en Deia.
Referencias
Categoría:Faros d'o País Basco Categoría:Lekeitio