Eduardo Jimeno Correas (de vegadas mencionau como Eduardo Gimeno Correas), naixiu de Zaragoza (Comarca Central) o 22 de febrero de 1870 y muerto en Madrit (Espanya) o 30 d'octubre de 1947, estió un director cinematografico aragonés, uno d'os pioners d'o cine en Aragón. Amás d'o suyo treballo como director, fació tamién cuantas labors relacionatas, dende dirección de fotografía dica montache cinematografico, como por un regular se feba en ixe inte.
Treballando en primeras en una atracción de feria con su pai, rodó con a primera camaras cinematograficas que plegó en Aragón as Fiestas d'o Pilar de 1899, deixando-ne ixas escenas en dos cintas: Salida de misa de doce del Pilar de Zaragoza y Saludos, que son as primeras cintas d'o cine aragonés (encara que se diz que a cinta zaragozana mas antiga ye Desfile del Regimiento de Castillejos) y unas d'as mas antigas d'o cine en a peninsula iberica. Ta las fiestas d'ixa anyada, ya heba amprau un local en a ciudat de Zaragoza, que se convertió en a primer sala cinematografica d'a historia d'a ciudat.
Se veiga tamién Cintas con dirección de fotografía d'Eduardo Jimeno Correas. Cintas con montache d'Eduardo Jimeno Correas. Cintas dirichidas por Eduardo Jimeno Correas. Cintas producidas por Eduardo Jimeno Correas.
Vinclos externos
Eduardo Jimeno Correas en a Gran Enciclopedia Aragonesa. Eduardo Jimeno Correas en Internet Movie Database.
Categoría:Directors cinematograficos d'Aragón Categoría:Directors de fotografía d'Aragón Categoría:Montadors d'Aragón Categoría:Muertos en Madrit Categoría:Naixius de Zaragoza Categoría:Productors cinematograficos d'Aragón Categoría:1870 (naixencias) Categoría:1947 (muertes)