Marcelino de Unceta y López, naixito de Zaragoza (comarca de Zaragoza) o 22 d'octubre de 1835 y muerto en Madrit (Espanya) o 10 de marzo de 1905, estió un pintor aragonés, que destacó por a suya gran producción de cartels y ilustracions; en a suya faceta de pintor, s'adedicó por un regular a dos tematicas prencipals: a tauromaquia (tematica sobre a cual tamién en versan cuantos d'os suyos cartels) y a pintura de tematica historica, mas que mas de escenas de batallas. Aintro d'istas zagueras, destaca a suya serie sobre os Seches de Zaragoza.
Formato artisticament dende 1850 en a Escuela d'Artes Polidas d'a suya ciudat natal, ta dimpués continar estudios en a Escuela d'Artes Polidas de Madrit, estió en 1879 qui fixó a forma canonica que dende ixas envueltas tienen os cartels de toros, con predominancia d'una escena de tauromaquia sobre a letra impresa d'o cartel. Cartel en a Enciclopedia Ger.
Galería d'imáchens
Vinclos externos
Marcelino de Unceta y López en a Gran Enciclopedia Aragonesa.
Referencias
Categoría:Muertos en Madrit Categoría:Naixius de Zaragoza Categoría:Pintors d'Aragón Categoría:1835 (naixencias) Categoría:1905 (muertes)