Montenegro (en montenegrín Crna Gora/Црна Гора) ye un chicot país situau en os Balcans, chunto a la mar Hadriana. Dende o 4 de febrero de 2003 se establió como un d'os dos estaus miembros d'a Federación de Serbia y Montenegro, pero o 21 de mayo de 2006, en un referendum, o 55,5% d'a población refirmó a independencia de Montenegro que fue proclamada o 3 de chunio de 2006.
Toponimia O suyo nombre en luengas neolatinas vien d'o veneciano, igual que Negroponte en Grecia.
Población por etnias y nacionalidaz A mayor part d'a población son os montenegrins y/o serbios. Bi ha croatas d'orichen dalmata y italo-venecianos en as Bocas de Kotor, albaneses en a muga con Albania y eslaus musulmans u bosnios en a muga con Serbia.
Divisions administrativas de Montenegro Se veiga ta mas informacion a lista de municipios de Montenegro thumb|250px|left|Municipios de Montenegro
Montenegro ye dividido en 21 municipios (Општина, opština) Andrijevica. Bar. Berane. Bijelo Polje. Budva. Cetinje. Danilovgrad. Herceg Novi. Kolašin. Kotor. Mojkovac. Nikšić. Plav. Plužine. Pljevlja. Podgorica. Rožaje. Šavnik. Tivat. Ulcinj. Žabljak.
Historia
A historia de Montenegro como territorio individualizau d'as atras tierras balcanicas encomienza con a organización d'os serbios locals en chicoz principatos independients que dimpués s'organizan en reinos mes grans. Os habitants de Montenegro podioron mantener-sen independients d'os otomans a diferencia d'os serbios d'atras zonas y desarrolloron una idendidat propia aislaus entre montanyas. Dimpués d'a primera Guerra Mundial os montenegrins s'unioron a los serbios y atros eslaus balcanicos en un prochecto estatal común, que continó dimpués d'a segunda Guerra Mundial con a Yugoslavia comunista, estando Montenegro o zaguer territorio yugoslau en independizar-se.
Cultura Por causa d'a suya situación cheografica, a cultura de Montenegro s'ha modelau gracias a diferents influencias a lo largo d'a suya historia, estando as mas importants as d'orichen eslau, (especialment serbio), bizantina, centroeuropea y hadriana.
Bi ha muitos puestos de gran importancia historica y cultural en Montenegro, encluindo molimentos d'os periodos pre-romanico, gotico y barroco. A zona costera de Montenegro ye prou conoixida por os suyos diversos molimentos relichiosos catolicos, mientres en a zona interior l'arquitectura y l'arte relichioso reflecta la influencia bizantina.
A danza tradicional ye l'oro que consiste en diversos bailarins que conforman un cerclo a l'abrazar-sen d'os hombros mientres uno u dos bailarins en solitario danzan en o centro a o ritmo d'os tambors. A literatura se remonta mas de diez sieglos entazaga mientres en 1494 fue establida la primera imprenta estatal en Centinje an apareixió lo primer libro sudeslau que fue impreso: l'Oktoih. A isto s'adhiben diversos manuscritos d'o sieglo XIII alzaus en monasterios.
Esporte O fútbol ye practicau en Montenegro y a categoría mes alta ye a Primera División de Montenegro.
Referencias
Vinclos externos
*