Iste articlo tracta sobre o barranco de la Banyera. Ta altros emplegos d'o toponimo «Banyera» se veiga Banyera (desambigación).
O barranco de la Banyera (pronunciau «barranco 'la Banyera»), tamién dito de las Banyeras, ye un corso d'augua menor que ye afluent d'o río Ara por a man dreta a dintro d'o termin municipal de Boltanya, en a comarca de Sobrarbe.
Naixe en os arredols de Campodarbe a una altitut que ronda os 1.000 metros y desemboca en o río Ara a bels cientos de metros por alto de Boltanya, chusto a on ye o puent por a on que cruza la carretera comarcal A-1604 que comunica a capital sobrarbenca con a valle d'a Guarguera.
Recibe, por a man ezquierda, o barranco de la Ferrera chusto debaixo de Silves. O barranco de la Ferrera ye lo suyo solo afluent, y describe una valleta paralela a la de Campodarbe, a on se troba os despoblaus de l'Aguilar y Espierlo.
O barranco de la Banyera destaca por as formacions cheomorfolochicas que ha socavau en a penya en a suya parte alta, por a on que salva la mayoría d'os suyos metros de deslivel, feito por o que s'aprofeita lo suyo cauz ta practicar-ie esportes d'aventura A via ferrata de Campodarbe. Consultada lo 30 de marzo de 2011. (descenso en rapel, tirolina, escalada, etc.).
Se veiga tamién Barranco de Sieste. Barranco de la Ferrera. Valle de Sieste. Puerto de Sarrablo. Sierra d'o Gabardón. Río Balcez. Río Vero.
Referencias
Vinclos externos Fragmento d'o 3r capitol d'o programa d'Aragón TV La Magia de Viajar, en o que fan rapel y puyan a via ferrata d'o barranco de la Banyera.
Categoría:Barrancos d'a provincia de Uesca Categoría:Barrancos de Sobrarbe Categoría:Afluents d'o río Ara