O catalán en Aragón (en catalán català a l'Aragó) ye representau por un conchunto de modalidaz propias d'o catalán parladas en bellas zonas d'a Francha Oriental d'Aragón. No i hai un dialecto uniforme que pueda denominar-se catalán d'Aragón, sino que en ista aria, s'emplegan as variedaz lingüisticas nordoccidental y tortosina, incluyidas por un regular adintro d'o bloque lingüistico d'o catalán occidental. Seguntes datos de 2011 y 2014, o catalán ye parlau en istas zonas d'Aragón por bellas 30 415 personas, o 49.9 % d'a población d'os municipios con presencia d'ista luenga. Manimenos o conoiximiento y uso d'o catalán ha baixau con os anyos, debiu mas que mas a la emigración d'os parlants locals y l'arribada d'inmigrants. L'aragonés y lo catalán Els usos lingüístics a la Franja, 2014
Introducción thumb|right|120px|Zonas de parla catalana con los distintos grupos dialectals. Os primers testimonios explicitos sobre a presencia d'o catalán en a Francha son de meyaus d'o sieglo XVI. Avals per al nom llengua. Lafranja.net A luenga conta con reconoiximiento oficial y explicito dende a Lei de Patrimonio Cultural d'Aragón de 1999, pero mas que mas dende a Lei de Luengas de 2009. A tradición d'os dialectologos hispanicos dende o sieglo XIX no reconoixe a existencia d'una unidat en os dialectos d'a zona oriental d'Aragón, sino que se clasifican adintro d'o catalán nordoccidental igual que o pallarés u o leridano. Ista zona catalanoparlant ye incluyida adintro d'as comarcas de Ribagorza, Comarca de la Ribagorza. Javier del Valle Melendo y José Espona Vila. Deputación Cheneral d'Aragón, Zaragoza, 2006, pach. 199, Litera, Comarca de La Litera. Arturo Palomares Puertas y Juan Rovira Marsal. Deputación Cheneral d'Aragón, Zaragoza, 2008, pach. 39. a Cinca Baixa, Comarca del Bajo Cinca. Félix J. Montón Broto. Deputación Cheneral d'Aragón, Zaragoza, 2004, pach. 235. Baixo Aragón-Casp, Comarca de Bajo Aragón-Caspe. Miguel Caballú Albiac y Francisco Javier Cortés Borroy. Deputación Cheneral d'Aragón, Zaragoza, 2008. pach. 281. Baixo Aragón Comarca del Bajo Aragón. José Ignacio Micolau Adell y Teresa Thomson Llisterri. Deputación Cheneral d'Aragón, Zaragoza, 2005, pach. 210. y Matarranya. Comarca del Matarraña. José Antonio Benavente Serrano y Teresa Thomson Llisterri. Deputación Cheneral d'Aragón, Zaragoza, 2003, pach. 239.
A luenga catalana en Aragón gosa denominar-se con ixe glotonimo tamién por buena parti d'os suyos propios fablants, El català a la Franja. Any 2014. Natxo Sorolla. Llengua i Ús: Revista Tècnica de Política Lingüística ((57), 75-88), 2015 encara que ye común emplegar chentilicios locals pa denominar a suya parla propia, como por eixemplo fragatín (fragatí), tamaritano (tamarità), maellán (maellà), etc. Os termins chapurreau, chapurriau, chapurreat u chapurreado s'emplegan tamién a sobén pa designar a luenga, Comarca de Bajo Aragón-Caspe. Miguel Caballú Albiac y Francisco Javier Cortés Borroy. Deputación Cheneral d'Aragón, Zaragoza, 2008, pach. 281. mas que mas por sectors anticatalanistas. Chapurreau no, catalán sí. Antoni Llerda i Juan. Andalán, 1983, vol. 379, pach. 15 Os contrarios a la denominación de "chapurreau" destacan o suyo orichen peyorativo, mientres que pa atros no tien tal sentiu. Acerca de la lengua de la «Franja Oriental». Ermelio Chasco Escolapio. Andalán, 1983, num. 383, pach. 10 Encara que en un estudio de 520 enquestas publicau en 1995 ista zaguera designación yera a preferida por o 46,73 % d'os fablants, mientres que nomás o 9,23 % preferiba a designación de català u catalán, Estudio sociolingüístico de la Franja Oriental de Aragón. María Antonia Martín Zorraquino. Universidat de Zaragoza, 1995, pach. 50. un recient estudio sociolingüistico d'a Cheneralidat de Catalunya, a Universidat de Zaragoza y o Campus Iberus afirma que as denominaciones consideradas peyorativas y localistas s'han reduciu, y a denominación academica d'a luenga catalán ye a mas comuna, emplegando-la un 44,6 % d'os parlants, frent a un 28,6 % que contina preferindo o nombre de xapurriau. El català a la Franja. Any 2014. Natxo Sorolla. Llengua i Ús: Revista Tècnica de Política Lingüística ((57), 75-88), 2015, pach. 9
Dende 1984 s'amuestra como asignatura optativa o catalán normativo en os centros escolars de l'Aragón catalanofono y en as Escuelas Oficials d'Idiomas de Fraga, Zaragoza, y ciudaz meyas proximas a la zona, como Monzón y Alcanyiz.
Diferents asociacions y partius políticos han veniu reclamando a esfensa d'as variants dialecticas que se parlan en as comarcas orientals en considerar que nombrar como catalán lo que se parla en as zonas orientals ye un eufemismo pa ir imposando una achenda lingüistica catalanista: «O Gubierno d'Aragón no ha quiesto ascuitar a os ciudadans de l'Aragón oriental y ha preferiu continar con a suya politica impositiva d'o catalán pa fagocitar as modalidaz lingüisticas aragonesas que se parlan en as comarcas orientals». El Gobierno de Aragón se divide por la lengua: el PAR se rebela por la creación de un instituto del catalán y pide otro para el chapurriau. El Mundo, 9 d'agosto de 2021 Chapurriau: la lengua maña que planta cara al independentismo, ABC, 5 d'abril de 2018
En setiembre de 2021 as Corz refirmoron suspender l'Institut Aragonès del Català y anular os nombramientos de l'Academia Aragonesa d'a Luenga. O Consello de Gubierno previament heba aprebau o nombramiento d'os primers 15 miembros de l'Academia Aragonesa d'a Luenga que la heba articulau en dos seccions, l'Instituto de l'Aragonés y l'Institut Aragonès del Català. Las Cortes apoyan suspender el Institut Aragonès del Català y anular los nombramientos de la Academia Aragonesa de la Lengua. La Comarca, 10 de setiembre de 2021
Reconoiximiento legal thumb|right|115px| A Declaración de Mequinenza l'1 de febrero de 1984 estió o primer paso enta a protección legal d'o catalán en a Francha. Con ella estió posible a impartición d'una asignatura voluntaria pa o suyo aprendizache a livel escolar.
A Lei de Luengas d'Aragón de 2009 [ttp://www.boa.aragon.es/cgi-bin/BOAE/BRSCGI?CMD=VEROBJ&MLKOB=478436853737 "LEY 10/2009, de 22 de diciembre, de uso, protección y promoción de las lenguas propias de Aragón.] Buletín Oficial d'Aragón núm. 252, de 30 d'aviento de 2009" define que os idiomas aragonés y catalán son "luengas propias orichinals y históricas" d'a comunidat autonoma d'Aragón. Encara que ista lei no declara explicitament a oficialidat d'istos idiomas, tal y como preveyeba que lo fería a lei de luengas, seguntes disponeba a Lei de Patrimonio Cultural Aragonés de 1999. "Ley 3/1999, de 10 de marzo, del Patrimonio Cultural Aragonés. Buletín Oficial d'Aragón núm. 36, de 29 de marzo de 1999"
En 2001, o gubierno de coalición PSOE-PAR promovió una Lei de luengas [https://web.archive.org/web/20070423123804/http://www.unizar.es/colla/abamproyeutoleideluengas.htm Anteproyecto de la Ley de Lenguas de Aragón d'a que nomás se redactó un anteprochecto que incluyiba en o suyo annexo II un listau de municipios que se declaraban d'utilización predominant d'o catalán. Ista lei yera consecuencia d'o dictamen d'una comisión especial d'estudio d'as Corz d'Aragón sobre a politica lingüistica en Aragón, que ofreixió as suyas conclusions en noviembre de 1997 Dictamen de la Comisión especial de estudio sobre la política lingüística en Aragón. y entre as que s'incluyiba l'alusión explicita a la existencia en Aragón de tres luengas: o castellano, l'aragonés y o catalán ("emplegau en forma de variedaz locals diversas como instrumento habitual de comunicación eminentment oral en as zonas mugants con Catalunya, zona compacta constituyida por Ribagorza, Litera, a Cinca Baixa y parti d'o Baixo Aragón zaragozano y teruelano")
Listau d'os municipios que se declaran d'utilización predominant d'o catalán seguntes l'annexo II de l'anteprochecto de Lei de Luengas de 2001:
Provincia de Uesca: Albelda, Alcampell, Altorricón, Arén de Noguera, Baells, Benavarri, Bonansa, Camporrélls, Castigaleu, Castillón Roi, Estupinyán, Fraga, Isabana, Llascuarre, Las Pauls, Monesma y Caixigar, Montanui, Peralta y Calasanz, Puent de Montanyana, Sant Istevan de Litera, Sopeira, Tamarit de Litera, Tolva, Torlarribera, Torrent de Cinca, Valdellou, Viliella de Cinca, Vencillón, Veracruz, Viacamp i Lliterà, Zaidín y Zanui-Alins. Provincia de Teruel: Auguaviva, Arens de Ledón, Beceit, Belmont de Sant Chusé, Calaceit, La Canyada de Beric, La Cerollera, La Codonyera, Cretas, Fórnols, La Fraixneda, Foz Espalda, La Chinebrosa, Ledón, Mazalión, Mont-royo, Penyarroya de Tastavins, La Portellada, Ráfals, Torre d'Arcas, Torrelconte, La Torre de Viliella, Val de Robres, Val d'el Tormo y Val Chunquera. Provincia de Zaragoza: Favara, Fayón, Maella, Mequinenza y Nonasp.
Encara que en 2013 o gubierno d'o PP y o PAR en Aragón aprebó una nueva lei de modalidaz lingüisticas sin atorgar a las mesmas dengún caracter oficial, dimpués de l'arribada a la presidencia d'Aragón d'o socialista Javier Lambán en 2015, se anunció a recuperación d'a lechislación de 2009. D'alcuerdo con a portavoz d'o Partido Popular en Aragón, María José Ferrando, ista lechislación supondría una «cooficialidat velada» d'alto gasto economico, y manifestó que d'os 45 000 aragoneses parlants d'as «variedaz dialectals d'a zona oriental», o 75 % refusaba a cooficialidat d'o catalán, seguntes un estudio d'a Universidat de Zaragoza. El PP cifra en 40 millones el 'rescate' del catalán en Aragón. Javier Ortega. El Mundo, 4 de setiembre de 2015
Aspectos lingüisticos thumb|right|200px|Variedaz lingüisticas adintro d'Aragón. miniaturadeimagen|283x283px|Distribución lingüistica en Aragón seguntes datos de 2001. L'aragonés en royo y o catalán en morau. O castellano (amariello) ye parlau en tot Aragón. A luenga catalana parlada en Aragón tien continidat con os dialectos parlaus a l'atro canto d'a muga administrativa, toz éls clasificaus adintro d'o bloque dialectal nordoccidental de dito idioma; i hai una clara correspondencia con o consonantismo catalán, o sistema vocalico, l'uso d'a forma de l'articlo masculino «lo», y o vocabulario propio d'os dialectos debantditos.
O catalán parlau en Aragón amuestra aspectos de continidat dialectal con l'idioma aragonés en o norte, y reflecta a la vegada elementos tanto d'a castellanización, como de singularidaz locals y comarcals, por tratar-se d'un territorio mas que mas rural y a on no s'ha impartiu l'amostranza d'o catalán normativo.
Es en a provincia de Uesca a on se da o mayor numero d'istos fenomens de particularismo lingüistico, que levan en bels casos a permitir emparentar as parlas locals d'ista zona con as de transición d'a Ribagorza occidental, como a palatización d'a consonant lateral d'os grupos /pl-/, /bl-/, /fl-/, /kl-/, l'uso de /ch/ pa J- u G+e, G+i, u as formas de l'imperfecto -eba / -iba.
Mas enta o sud destaca o caso d'o municipio zaragozano de Maella, que o filologo Joan Coromines consideró como isla dialectal, a on se mantiene o resultau d'a /ch/ y se emplega una e ubierta (especialment distintiva en o caso d'a a en luenga escrita), entre atras peculiaridaz.
Ya en a provincia de Teruel cal destacar as modalidaz d'Auguaviva y La Chinebrosa, con uns rasgos consideraus en bels casos como arcaizants. As modalidaz teruelanas modernament reciben o nombre de «valenciano de transición».