Beratón ye un municipio d'a provincia de Soria, comarca de Tierra de Ágreda y partiu chudicial de Soria (Castiella y Leyón). Fa parte d'a diocesi d'Osma. A suya población ye de 36 habitants (2014), en una superficie de 41,04 km² y una densidat de 0,87 hab/km².
Toponimia A radiz d'o toponimo Verat- la trobamos a sobén en l'antroponimia antiga, y en concreto en l'antroponimo Veratius. En estar tractau como nombre d'a tercera declinación leva tema en -n. Veratonem > Veratone > Beratón.
A xorda intervocalica se conserva seguntes a fonetica aragonesa y mozarabe como en bels toponimos d'o Campo de Borcha. En base a este analís etimolochico resulta poco probable a hipotesi de Menéndez Pidal, que creyeba que Beratón correspondeba con o carrascal sagrato que menciona Marcial (Sacrum Ilicetum Buradonis).
Cheografía A localidat de Beratón ye situata a 1.395 metros d'altaria dencima d'o livel d'a mar, a piet de Moncayo, y a una distancia de 63 km de Soria, a capital d'a suya provincia y partiu chudicial.
Lo termin municipal de Beratón desaugua enta la Isuela a l'este y enta l'Araviana a l'ueste. La Isuela naixe en l'Alto de los Almudejos.
Mugas O suyo termin municipal muga con Borobia, Ólvega y Cueva de Ágreda.
Administración Alcaldes Lista d'alcaldes Lechislatura Nombre Partiu politico1979–1983 1983–1987 1987–1991 1991–1995 1995–1999 1999–2003 Jose Lorenzo Crespo Vera Partido Popular2003–2007 Jose Lorenzo Crespo Vera Partido Popular2007–2011 Jose Lorenzo Crespo Vera Partido Popular
Categoría:Municipios de Soria que mugan con Aragón