O yodo ye un elemento quimico de numero atomico 53 situato en o grupo d'os halochenos (grupo 17) d'a tabla periodica d'os elementos. O suyo simbolo ye I.
Ye un oligoelemento y s'emplega mas que mas en medicina, fotografía y como colorant. Quimicament, o yodo ye l'halocheno menos reactivo y menos electronegativo.
Caracteristicas prencipals O yodo ye un solido negro y lustroso, con liuchero brillo metalico, que sublima en condicions normals dando un gas de color violeta y olor irritant. Igual que a resta d'halochenos forma un gran numero de compuestos con atros elementos, pero ye o menos reactivo d'o grupo y tien bellas caracteristicas metalicas.
Ye poco soluble en augua, mientres que se disuelve facilment en disolvents no polars cloroformo (CHCl3), en tetracloruro de carbonio (CCl4), u en disulfuro de carbonio (CS2), dando disolucions de color violeta. En disolución, en presencia d'amidón da una coloración azul. A suya solubilidat en augua aumenta si s'adhibe yoduro a causa d'a formación de l'anión triyoduro (I3-).
Puet presentar diferents estaus d'oxidació: -1, +1, +3, +5, +7.
Referencias
Vinclos externos
webelements.com - Yodo environmentalchemistry.com - Yodo
Categoría:Elementos quimicos Categoría:Halochenos