Iste articlo ye sobre o elemento quimico dito Cobol. Ta o lenguache de programación informatica se veiga COBOL.
O cobol (de l'alemán Kobold, esprito d'a mitolochía chermanica) ye un elemento quimico de numero atomico 27 y simbolo Co situau en o grupo 9 d'a tabla periodica d'os elementos. O cobol ye un metal duro, ferromagnetico, de color blanca azulenca. A suya temperatura de Curie ye de 1.388 K. Por un regular se troba chunto con o níquel, y toz dos gosan fer parti d'os meteoritos de fierro. Ye un elemento quimico esencial ta os mamifers en chicotas cantidaz. O Co-60, un radioisotopo de cobol, ye un important trazador y achent en o tractamiento d'o cáncer. O cobol metalico ye comunament constituyiu d'una mezcla de dos formas alotropicas con estructuras cristalinas hexagonal y cubica centrada en as caras estando a temperatura de transición entre as dos de 722 K. Presenta estaus d'oxidación baixos. Os compuestos en os que o cobol tien un estau d'oxidación de +4 son poco comuns. O estau d'oxidación +2 ye muit frecuent, asinas como o +3. Tamién bi ha complexos importants con o estau d'oxidación +1.
Aplicacions Aliacions entre las que cal destacar as superaliacions emplegadas en turbinas de gas d'aviación, aliacions resistents a la corrosión, acers rapedos, y carburos cementaus y ainas de diamant. Imants (AlNiCo) y cintas magneticas. Catalisi d'o petrolio y industria quimica. Recubrimientos metalicos por deposición electrolitica por o suyo aspecto, dureza y resistencia a la oxidación. Ixecant ta pinturas, vernices y tintas. Recubrimiento base d'esmaltes vitrificaus. Pigmentos (cobol azul y cobol verde). Electrodos de baterías electricas Cordons d'acero de pneumaticos. L'isotopo Co-60 se fa servir como fuent de radiación gamma en radioterapia, esterilización d'alimentos (pasteurización freda) y radiografía industrial ta o control de calidat de metals.
Rol biolochico O cobol en chicotas cantidaz ye esencial ta numerosos organismos, incluyius os humans. A presencia de cantidaz entre 0,13 y 0,30 ppm en a tierra amillora ostensiblement a salut d'os animals de pasto. O cobol ye un component central d'a vitamina B12 (cianocobalamina).
Abundancia y obtención 250px|thumb|right|Skutterudita u esmaltita provinient d'a Val de Chistau. O metal no se troba en estau nativo, sino que en diversos minerals, razón por a que se quita usualment chunto con atros productos, mas que mas como subproducto d'o níquel y l'arambre. As prencipals menas de cobol son a cobaltita, eritrina, cobaltocalcita y skutterudita.
Os mayors productors de cobol son China, Zambia, Rusia y Australia. En o termin municipal de Sant Chuan de Plan bi habió una mena de skutterudita u esmaltita amán d'o barranco d'el Sen y o puesto encara se diz El Cobol. Esta mena fue ubierta y explotada por os alemans en o sieglo XVIII. La esmaltita de Chistau ye chunto con atros minerals de cobol como a cobaltita y eritrina. Miguel Calvo y Guiomar Calvo: Colección guías de campo de Aragón nº3: Minerales y rocas. Prames S.A., 2012, p 24.
Compuestos A causa d'os diversos estaus d'oxidación que presenta, bi ha un abundant numero de compuestos de cobol. Os oxidos CoO (temperatura de Neel 291 K) y Co3O4 (temperatura de Neel 40 K) son os dos antiferromagneticos a baixa temperatura.
Articlos relacionatos Azul cobol
Referencias
Vinclos externos
Enciclopedia Libre - Cobol. Los Alamos National Laboratory - Cobol. webelements.com - Cobol. [http://environmentalchemistry.com/banblock.html environmentalchemistry.com - Cobol. Londres celebra 50 anyos de Radioterapia con Cobol-60 (pdf).
Categoría:Elementos quimicos Categoría:Metals de transición Categoría:Verenos