A sisella VIDALLER TRICAS, Rafel: Libro de As Matas y Os Animals; Dizionario aragonés d'espezies animals y bechetals, Edicions Val d'Onsera. Zaragoza 2004. . u sisalleta (d'o basco < uso "paloma") Santiago Bal Palazios:Vocabulario dialectal del habla de Maella (Aragón), Gubierno d'Aragón, 2000, , p.205 ( (Linnaeus, 1758)) ye una especie de paloma salvache d'o chenero Columba y a familia Columbidae, propia d'Europa y Asia. Tamién se conoixe como zorina, palomo de mont, palomo furo u palomo montesinoCon a variant palomo monteso.
Descripción Anque fa recordar muito a os palomos domesticos, tiene o cuerpo sotilment mas fino, y con a color grisa d'o plumache uniforme, sin as dos caracteristicas faixas negras d'os palomos comuns. As alas, en volito, se veyen grisas por debaixo, a la contra de como pasa con belatras palomas que as i tienen mas claras.
Os iris d'os uellos son caracteristicament negros, sin l'aniello de color amariella u narancha que tienen os torcazos y os palomos comuns.
Hábitat
As sisellas viven en as selvas de caducifolios, a on que fan o niedo en os foratos d'árbols viellos. FELIX, Jîrî y TOMAN, Jan; Guía de Campo (3ª Ed.); Ediciones Susaeta. Madrid, 1999.
En Aragón ye una especie poco frecuent en l'actualidat, anque en buena cosa d'o territorio se guarda alcordanza de que enantes se cazaba. Ye una especie mas destribuida por a Europa atlantica y central, anque en ixas latituz ye un au migradera que marcha ta'l sud en hibierno.
Imáchens
Nombres D'alcuerdo con o naturalista y lexicografo Rafel Vidaller, sisella ye o nombre mas frecuent y destribuido ta iste animal por a metat oriental de l'Alto Aragón, documentau en localidaz de Litera, o Semontano de Balbastro, a Ribagorza y o Sobrarbe por él y por diferents autors. Manimenos, en o suyo «Dizionario aragonés d'espezies animals y bechetals» no i amaneix garra referencia de que s'haiga documentau un nombre ta ista especie en garra población de l'Alto Galligo, a Chacetania nian a Plana de Uesca.
Chabier Tomás documentó tamién a forma diminutiva sisalleta TOMÁS ARIAS, Chabier. El aragonés de Biello Sobrarbe. Instituto de Estudios Altoaragoneses. Uesca, 1999. en o Viello Sobrarbe, en a segunda metat d'os anyos 1990, y en l'Aves de Aragón. Atlas de especies nidificantes, expublicau por Ibercaja en 1998, i amaneix unatra variant atipica, xixella, anque no se'n cita la procedencia.
A novela d'Ánchel Conte O bolito d'as sisellas (Xordica, 2000), ambientada en Planiello en os anyos d'incertidumbre sobre as expropiacions ta que fesen o pantano de Chanovas, incluye una alusión metaforica a iste animal en o titol.
Notas
Referencias
Vinclos externos
Categoría:Aus d'Aragón Oenas Categoría:Fauna d'Europa Categoría:Fauna d'Asia Categoría:Fauna d'Andorra Categoría:Fauna d'os Pireneus Categoría:Taxons nombraus por Carl Linnaeus