Arizkun (Arizcun en castellano) ye un lugar d'o municipio de Baztan, situato en a val de Baztan, Navarra. Ta plegar-ie s'ha de prener la N-121b y una vez pasato Elizondo pillar l'esbarre a man dreita que marca Arizkun. Poseye cuatre barrios: Aintzialde, Bozate, Ordoki y Pertalats. Amés d'estos, tamien tien as agrupacions de casas de Otsanaiz, San Blas y Bergara, y os grupos de caseríos que forman en conchunto Aritzakun. Seguntes o censo de l'1 de chinero de 2010, o lugar teneba 610 habitants.INEbase / Nomenclátor. Relación de unidades poblacionales: Arizkun

Mugas Arizkun fa muga con Amaiur enta lo nord, con Azpilikueta a l'ueste, con Erratzu a l'este y con Elbete y Elizondo a lo sud-ueste.

Amaiur Azpilkueta 85px|Arizkun Erratzu Elbete y Elizondo

Historia Dende 1366 os suyos habitants ya yeran consideratos como fidalgos y en o sieglo XVIII yera lo nuclio mas poblato d'a val, con 114 vecins, 31 moradors, 21 casas de pobres y cinco palacios. Tamién ha estato important lo peso d'as industrias tradicionals; en 1849 contaba ya con telars de lienzos, una fabrica d'auguardient, y dos molins fariners. Hue ye lo barrio d'Ordoki qui reculle ista tradición y aplega a mayor parte d'a industria d'o lugar.Blog sobre lo lugar d'Arizkun

Demografia y habitants Habitantes de Arizkun 2000 2001 2002 2003 2004 2005 2006 2007 2008 2009 2010 644 644 656 650 627 622 638 632 631 629 610

Barrios Aintzialde Bozate, famoso por estar o puesto an i habió una d'as zagueras comunidaz conoixitas de cagotz Ordoki Pertalats

Mitolochia L'antiga creyencia en sers mitolochicos, como las lamias, se veye reflectata en a toponimia d'o lugar; asinas en a microtoponimia amaneixen os termins de: Lamiputzu (pozo d'as lamias, en basco), que ye una gorga an se diz que as lamias i apareixeban en os suyos cantos alisando-se los suyos cabellos con peines doraus. Podendo-se-ie trobar amán tamién o Palacio de Goienetxe, altrament conoixito como Lamiarrita.

Fiestas y celebracions thumb|left|200px|O Sagar Dantza d'Arizkun ("A Danza d'a Manzana"). 2008. Inauteak u "Garrastolendas", se celebran anyalment a viespra d'o miercols de cenisas, adintro d'os garrastolendas se celebran estos días: Chueves: egunttunttuna, fiesta infantil. Domingo y lunes, os chóvenes d'a localidat van demandando casa a casa. O martes de maitins baila o sagardantza ("baile d'a manzana"). A mediodía os personaches ditos Hartza eta bere segizioak: Hartzazaina, damak, mozorroak, musikariak... (l'Onso y os seguidors: o guardian de l'onso, as damas, os enmascaratos, los musicos...) recorren o lugar. Arizkungo bestak, "Fiestas de Arizkun", se celebran o 24 de chunio, Día de Sant Chuan (San Joan Eguna).

Edificios Santxotena Museoa, en o barrio de Bozate Monesterio d'a Virchen Maria d'os Ángels, siglo XVIII. Palacio d'Ursua, siglo XIV. Se troba situato en o barrio de Bozate. Ye un palacio de cabo d'armería d'un d'os linaches mas antigos de Navarra (Ursuako jauregia, en basco). Palacio de Goienetxe tamién conoixito como Lamiarrita. Casas nobiliarias de Etxeberria y Iturraldea. Palacio de Bergara, Palacio cabo d'armeria y antiga torre medieval (Bergara jauregia, en basco).

Galeria d'imáchens

Arizkundarras famosos Pedro Ursua (1520-1561), conquistador y militar. Martin Ursua (1653-1715), conquistador y militar. Juan Goienetxe Gaston (1656-1735), editor, periodista y politico. Franzisko Laphitz (1832-1905), mosén y escritor. Damaso Legaz Laurenzena (1838-1902), cura y escritor en idioma basco. Pello Salaburu (1951-), escritor, profesor y academico d'Euskaltzaindiaa, tamien ex-rector de la Universidat d'o País Basco.

Vinclos externos

/ Web d'o concello d'Arizkun.

Referencias

Categoría:Arizkun