thumb|250px|Selvas de laurelers, vechetación autoctona de Madeira. miniaturadeimagen|Vista de Laurisilva (Selva de laurelers). A laurisilva de Madeira (Floresta Laurissilva da Ilha da Madeira, en portugués), ye un puesto natural d'a isla de Madeira declarato Patrimonio d'a Humanidad por a Unesco en l'anyo 1999. Ye considerato como una reliquia muit valiosa, por a suya grandaria y calidat, d'a laurisilva, una mena de selva de laurelers muit abundants d'antis mas y hue cuasi extinguito de tot. Se creye que ye en un 90% una selva primordial.
A Unesco chustificó a inclusión d'iste puesto en a lista de patrimonio mundial chustament por estar a resta mas gran de laurisilva, en o pasato extendillata por toda Europa y hue practicament extinguita. Amás, iste tipo de selva se considera un centro de diversidat de plantas y contiene a-saber-las especies endemicas, residuals y raras, mas que mas de briofitos, felequeras y plantas con flors; cal destacar en iste aspecto a lamiacia Teucrium abutiloides. Tamién tien una fauna invertebrata muit rica, figurando entre as especies endemicas d'a isla, o turcazo de Madeira. Pachina web d'a Unesco
A laurisilva de Madeira se troba en a isla prencipal d'o archipelago (a isla de Madeira). Antis d'a colonización cubriba practicamente toda a isla. Dimpués fue cremata por os primers colonos y actualment se conservan 15.000 hectarias de superficie d'a isla, lo que se corresponde a un 20% d'a suya amplaria. Se concentra mas que mas en a costa norte, en altarias entre os 300 y os 1.400 metros. En a costa sud, apareixe en zonas d'altaria situatas entre os 700 y os 1.600 metros.
Antiparti d'ista laurisilva de Madeira, quedan restas d'iste tipo de selva en os archipelagos d'as Azores y as Canarias; en Europa continental, nomás bi ha una zona testimonial en o Parque Natural Los Alcornocales, en l'extremo meridional d'a Peninsula Iberica. «Parque Natural Los Alcornocales» en a pachina d'a Junta de Andalucía
Referencias
Vinclos externos La flora endémica del Archipiélago de Madeira en rinconesdelatlantico.com Bosque de laurisilva de Madeira en locuraviajes.com Madeira tiene uno de los pocos bosques de laurisilva del mundo en casacochecurro.com
Categoría:Flora de Madeira