O Refuchio de Fauna Silvestre de la Lomaza de Belchit ye un Refuchio de Fauna Silvestre d'Aragón, tien una superficie de 961 hectarias y fue declarato o 4 d'abril de 1995. Se troba situato en o municipio de Belchit, en a comarca d'o Campo de Belchit.
Se tracta d'un paisache estepario, un d'os poquez que bi'n ha en Europa, fruito d'antigas desforestacions, a explotación ganadera d'a zona mientres sieglos y l'arideza y pocas precipitacions d'o suyo clima.
O espacio natural se divide en dos partis, d'una man "El Planerón", que estió a primera reserva europea ta a protección d'as aus y d'atra "La Lomaza" clasificada de Refuchio Silvestre.
Cheolochicament a tierra ye formata d'archilas royencas, piedras panals y evaporitas (rocas con halita, anhidrita, chesos, etc.) que ofreixen un paisache con una gran variedat de colors.
Fauna 200px|thumb|left|Una calandria A Lomaza ye l'habitat de prous especies animals capables d'adaptar-se a las duras condicions d'iste ixuto ecosistema. Entre a fauna d'iste entorno trobamos l'algaraván (Burhinus oedicnemus), o rocín (Chersophilus duponti), a cistrilla corredera (Anthus campestris), a calandra de collar (Melanocorypha calandra), a cogullada montanyesa (Galerida theklae), a ganga, a chorla (Pterocles orientalis), a corruganya (Calandrella brachydactyla) y a charreta (Calandrella rufescens).
Flora A flora que se i troba ye, igual que en o caso d'a fauna, peculiar y tien unas caracteristicas adaptadas a las condicions ambientals d'arideza d'istas tierras.
Atras feguras de protección Zona d'Especial Protección ta as Aus (ZEPA)
Vinclos externos Refuchio de Fauna Silvestre d'a Lomaza de Belchit Patrimonio natural de Aragón. Estepas de Belchite. Red Natural de Aragón. Refuchio de Fauna Silvestre d'a Lomaza de Belchit.
*