thumb|250px|Paisache d'a Costa d'Archent en a localidat de La Canau.
A Costa d'Archent (en occitán, Còsta d'Argent, en francés, Côte d'Argent), tamién dita Costa Aquitana (Côte Aquitaine) u Costa d'as Landas (Côte Landaise) ye o nombre turistico que recibe a costa banyada por l'Oceano Atlantico, en o golfo de Bizcaya u de Gascunya, en a rechión d'Aquitania, a o sud-ueste de Francia, que s'estendilla entre os departamentos de Gironda y d'as Landas, dende o estuario d'a Gironda dica a desembocadura d'o río Ador, puerta norte d'a Costa Basca. En ista zona d'o litoral se troban os grans lacos landeses.
Orichen d'o nombre Con a naixencia a partir d'a segunda metat d'o sieglo XIX d'a cultura d'o turismo d'as estacions balneyarias francesas, destinato a las clases mas acomodatas d'Europa, amaneixioron as iniciativas ta distinguir con denominacions atractivas a cadagún d'os prencipals destins.
Asinas, dende 1887 a costa provenzal oriental, dica alavez dita Riviera de Niza u Riviera de Chenova, prencipió poquet a poquet a conoixer-se con o nombre de Costa Azul, proposato por o escritor Stéphen Liégeard qui lo fació servir ta o títol d'a suya obra Côte d'Azur, inspirando-se en o termín heraldico «azur» (azul).
Poco dimpués, en 1894, a costa de Bretanya situata entre Kankaven y o cabo Fréhel, amán de Sant-Maloù, s'agrupó baixo a denominación de Costa Esmeralda (Côte d'Émeraude), por iniciativa ista vegata de l'advogato Eugène Herpin.
En 1905, o periodista y poeta Maurice Martin baptizó en un articlo as plachas d'o País de Bòrn como «Côte d’Argent», 'Costa d'Archent', expresión inspirata en os reflexos d'archent que presenta a superficie de l'Atlantico en l'amaneixer y a boca de nueit y que poquet a poquet será emplegata ta decir a la mayor parti d'o litoral aquitano. A su propuesta fue anunciata publicament o 20 de marzo de 1905 en Mamisan, debant d'atros periodistas y personalidaz locals.
Localidaz thumb|250px|Mapa d'a Costa d'Archent. De norte ta sud: Gironda
Solac Vendais e Montalivet Hortin Carcan La Canau Lo Pòrge Lèja e lo Horet Arcaishon La Tèsta de BugLandas
Biscarròssa Mamisan Contis Lit e Micse Vièla e Sent Gironç Moliets e Mar Massanjas Lo Bocau Vielh Soston Senhòssa Sòrts e Òssagòr Cap Berton La Vena Ondres Tarnòs
Se veiga tamién Grans lacos landeses Cantón d'a Costa d'Archent
Bibliografía Marc Boyer, L'Invention de la Côte d'Azur : l'hiver dans le Midi, préface de Maurice Agulhon, 378 pages, Édition de l'Aube, 2002,
Vinclos externos
Categoría:Cheografía de Nueva Aquitania Categoría:Gironda Categoría:Landas