A Coloma (oficialment, en castellano, La Coloma) ye una pardina aragonesa en o termin municipal de Barcabo, en a comarca de Sobrarbe y a provincia de Uesca. Actualment ye deshabitada.
Localización
A Coloma ye una casa que s'acompanya d'una cort y bels edificios menors auxiliars (posiblement buerdas u cuadras) y una ermita, que feba la función de capiella. A capiella data d'os sieglos XVII y XVIII. «La Coloma» en a pachina de l'Achuntamiento de Barcabo, consultada o 12 de chulio de 2012.
Se troba por debaixo de o castiello d'Espluguiello, en a cuenca hidrolochica d'o barranco de Sant Chils y por tanto, en a compleguera d'o río Susía, en o sector sud-ueste d'a comarca de Sobrarbe que se conoix como o Viello Sobrarbe.
Como particularidat, a Coloma ye en a parte menor que o termin municipal de Barcabo tiene en o costau oriental de l'augua-rompient con o barranco de Sant Chils y a cuenca d'o Susía, pus sacando o castiello d'Espluguiello y a propia Coloma, a resta d'o municipio s'estendilla por a man occidental, en a cuenca hidrica natural de o río Vero.
S'envista bien dende o dito castiello, que ye fácil de localizar pus dica o castiello o camín que sale d'Hespitalet d'Espluguiello ye bien sinyalizau. Dende o castiello d'Espluguiello dica la Coloma l'acceso sí que ye mas complicau, pus no se guarda bien o camín y a vechetación o embaraza.
Se veiga tamién
Hespitalet d'Espluguiello Frontinyán Eripol Mondot Viello Sobrarbe Val d'o Susía Prochecto d'entibo en o río Susía
Referencias
Categoría:Despoblaus d'a provincia de Uesca Categoría:Lugars de Barcabo Categoría:Localidaz d'a diocesi de Uesca en Sobrarbe