En Biolochía, una taxia (pronunciau /'taksja/, como "tacsia"; d'o griego <ταξία, "táksia"; «movimiento guidau» u «conduciu») ye una respuesta comportamental innata d'un organismo frente d'un estímulo direccional u d'un gradient d'estímulo. O contrario de a taxia ye l'ataxia, falta de respuesta debant d'os estímulos, termino que tamién tiene uso en medicina.
Una taxia ye diferent d'un tropismo. Mientres que o tropismo describe o creiximiento d'un organismo u bel organo en a dirección que marca o estímulo, a taxia gosa referir-se a la orientación de tot l'organismo (u d'un organo ya formau) como respuesta a o estímulo en qüestión.
Tipos
As taxias que afectan a una cantidat mas gran d'organismos, y que por tanto son mas comuns en a naturaleza, son as siguients:
Relacionadas con a luz: Fototaxia, orientación cara ta la luz. Escototaxia, orientación cara ta la escuridat. Con a concentración de quimicos en o medio: Quimiotaxia. Quimiotaxia positiva, orientación cara ta la mayor concentración d'o quimico en qüestión. Quimiotaxia negativa, orientación cara ta la menor concentración d'o quimico en qüestión. Aerotaxia positiva y negativa, en función d'a concentración d'oxicheno en o medio. Azototaxia, en función d'a concentración de nitrocheno. Sulfotaxia, en función de a de sufre. Etc. Con a gravedat: Gravitaxia. Gravitaxia positiva, orientación cara ta baixo u o centro d'a tierra. Gravitaxia negativa, orientación ta lalto. Con a temperatura: Termotaxia Termotaxia termofila, orientación cara ta la calor. Termotaxia psicrofila, orientación cara ta o frido. Con a presión d'o medio: Barotaxia Barotaxia positiva, orientación cara ta la on que se dan as presions mas altas. Barotaxia negativa, orientación cara ta la on que se dan as presions mas baixas. Con os movimioentos de fluyius: Anemotaxia, orientación en función d'o viento. Reotaxia, orientación en función d'una corrient d'augua. Con os campos magneticos: Magnetotaxia. Con as diferencias de voltache electrico: Galvanotaxia Con a intensidat de sonius en o medio: Fonotaxia Fonotaxia positiva, orientación cara ta'l soniu mas fuerte. Fonotaxia negativa, orientación fuyindo de o soniu mas fuerte. Con os estímulos táctils: Tigmotaxia
Se veiga tamién Haptotaxia Mecanotaxia
*