Michael Kenji Shinoda (conoixito con as embotadas de The Glue y The Cobra Holda) ye un rapero, teclista y co-productor d'o grupo estausunidense Linkin Park. Naixió l'11 de febrero de 1977 en Agoura Hills (California), Estaus Unius, fillo de pais chaponeses.
Mientres iba a o instituto, Mike Shinoda prencipió a estudiar piano (clasico y jazz), guitarra y tecnicas de rap. Estió por ixas envueltas cuan Shinoda, chunto a Brad Delson y Rob Bourdon, fundaría o grupo Xero, precedent de Linkin Park.
En rematar a educación segundaria dentró en o Pasadena Art College ta estudiar disenyo grafico y ilustración. En ista epoca detroron en o grupo Xero Dave Farrell y Joe Hahn, cambeando o nombre por Hybrid Theory. Con a dentrata de Chester Bennington o grupo se diría definitivament Linkin Park.
Shinoda tamién ha feito bels prochectos en solitario, como as remezclas de temas de The X-ecutioners, Handsome Boy Modeling School y Depeche Mode, y tamién a creyación d'o grupo de rap Fort Minor.
Dende l'anyo 2003 Mike Shinoda ye casato con Anna Lovejoy.
Prochectos Xero Hybrid Theory Linkin Park Fort Minor
Vinclos externos
Biografía de Mike Shinoda Biografía y curiosidatz sobre Mike Shinoda
Categoría:Musicos d'Estaus Unius Categoría:Naixius de California