La baronía d'Exerica estió una churisdicción nobiliaria creyata por lo rei Chaime I d'Aragón pa lo suyo fillo ilechitimo Chaime d'Exerica en un territorio que antes yera asignau a lo concello de Teruel como muga de la suya aria d'influencia y que heba estau repoblau por este concello con aragoneses. La baronía yera centrata arredol de la villa d'Exerica.
Lo 9 d'abril de 1255 Chaime donó lo castiello y villa d'Exerica a la noble Tresa Chil de Bidaurre y a lo fillo de los dos, lo futuro infant Chaime d'Exerica, indicando que son situatos en lo Reino de Valencia. Por lo que pareix Chaime I tenió un intrés especial en deseparar Exerica de lo concello de Teruel. Lo texto de deseparación ye de 1261Enric Guinot: Els límits del regne, el procés de formació territorial del País Valencià Medieval (1238-1500). Edicions Alfons El Magnànim. 1995.:
La baronía retornó a lo patrimonio reyal en l'anyo 1369 en ixas envueltas de Pero lo Cerimonioso con la muerte sin d'hereus de Chuan Alifonso d'Exerica. Manimenos temporalment la sinyoría d'Exerica fue donada por los reis d'Aragón (y Valencia) a nobles y infants pa tornar dimpués a la corona, por eixemplo en 1372 lo rei creyó lo condau d'Exerica pa lo Infant Don Martín.
Se veiga tamién Lista de barons d'Exerica.
Referencias
Bibliografía Enric Guinot: Els límits del regne, el procés de formació territorial del País Valencià Medieval (1238-1500). Edicions Alfons El Magnànim. 1995.
Exerica