Iste articlo ye sobre a ilesia de Sant Pero de Monthòrt, en o departamento d'as Landas; ta atros usos, se veiga Ilesia de Sant Pero.
A ilesia de Sant Pero de Monthòrt (Glèisa de Sant Pèire de Monthòrt en occitán, église de Saint-Pierre de Montfort-en-Chalosse en francés) ye una ilesia en estilo romanico y gotico adedicata a Sant Pero Apóstol que se troba situata en a comuna occitana de Monthòrt, en o departamento francés d'as Landas, districto de Dacs, cantón de Costalat de Shalòssa y rechión d'Aquitania, en l'antiga Shalòssa. Dende o punto d'anvista eclesiastico, pende d'a diocesi d'Aira y Dacs.
A suya construcción prencipió en o sieglo XIII en estilo romanico ta no rematar dica o sieglo XV ya en estilo gotico. Ye protechita legalment dende o 9 d'octubre de 1970 con a suya declaración como Molimento Historico.<ref> Monuments Historiques. Montfort-en-Chalosse.], en a base de datos Merimée d'o Ministerio de Cultura de Francia.</ref>
Arquitectura A ilesia se debanta dencima d'un pueyo. A suya nau y l'abside, toz dos en estilo romanico, son as parz mas antigas d'a ilesia, que se debantó en un periodo de transición dende o romanico enta o gotico. Antiparte, as obras posteriors que se i facioron mientres as Guerras de Relichión de Francia refirmoron as caracteristicas goticas de l'edificio. Sindembargo, as naus laterals ya se construyioron plenament en estilo gotico. A torre adhibita ya en o sieglo XV chuga un papel mas que mas militar, en veyendo o suyo aspecto masivo y fortificato y as caracteristicas politicas d'o territorio en ixas envueltas.
Os esviellamientos d'a ilesia continoron, plegando mesmo dica o sieglo XX.
Atros Se i conserva un organo que ye protechito especificament con a suya inscripción como Molimento Historico l'1 d'abril de 1985.
Se veiga tamién Lista de molimentos d'as Landas.
Galería d'imáchens
Vinclos externos
[http://www.culture.gouv.fr/public/mistral/merimee_fr?ACTION=CHERCHER&FIELD_1=REF&VALUE_1=PA00084450 Monuments Historiques. Eglise Saint-Pierre., en a base de datos Merimée'' d'o Ministerio de Cultura de Francia.
Referencias
Monthòrt Monthòrt (Landas) Pero de Monthòrt Pero de Monthòrt Pero de Monthòrt Pero de Monthòrt Pero de Monthòrt Ilesia de Sant Pero de Monthòrt