O río Tiber (Tevere, en italiano) ye un río italiano, que naixe en os monts Apenins en a rechión d'Emilia-Romanya, en o mont Fumaiolo, a una altaria de 1.268 metros sobre o livel d'a mar, y vierte as suyas auguas en a mar Tirrena dimpués d'un recorrito de 406 km de longaria, en drenando a traviés d'un cabal meyano de 267 m³/s (en Roma) una cuenca hidrolochica con una superficie de 17.375 km².
Con a suya longaria de 406 km, ye o tercer río mas luengo d'Italia, dimpués d'o río Po y d'o río Adige. Mientres o suyo recorrito, trescruza amás d'a rechión d'Emilia-Romanya, a on i naixe, as rechions d'Umbría y Lazio, trescruzando bellas ciudaz destacatas, entre as que a mas important ye a ciudat de Roma, capital d'o país, que li debe parte d'a suya importancia historica, en estar d'antis mas o río navegable. A suya desembocadura en a mar Tirrena la fa en Ostia, que historicament estió o puerto de Roma.
Afluents Os suyos prencipals afluents son:
Río Paglia (con o suyo afluent o río Chiani), que i desemboca en Orvieto. Río Nera, que i desemboca en Terni. Río Aniene, que i desemboca en Subiaco.
Vinclos externos
Tiber