A casa d'a ciudat de Viena (en alemán Wiener Rathaus, en dialecto vienés Wiena Rådhaus) ye a seu d'o concello d'a ciudat de Viena, capital d'Austria. Como a ciudat de Viena ye tamién un estato federato (Bundesland), l'alcalde d'ista ciudat actúa tamién como gubernador (Landeshauptmann) y o consello municipal fa as mesmas fainas que o parlamento (Landtag).
L'edificio, d'estilo gotico, fue disenyato por Friedrich von Schmidt y construito entre 1872 y 1883. En o cobalto d'a torre se troba o Rathausmann, una escultura dorata de 3,5 metros d'altaria que representa a fegura de un portaestandarts y que s'ha convertito en un simbolo de Viena (a ciudad entrega anualment un premio que ye una chicota estatua con a forma d'o Rathausmann).
Debant de l'edificio bi ha un parque dito Rathauspark.
Transportes Ta plegar enta a casa d'a ciudat de Viena s'ha de prener a linia U2 d'o Metro de Viena y baixar-se en "Rathaus".
Vinclos externos
Pachina oficial d'o concello de Viena
Viena Categoría:Molimentos de Viena