300px|thumb|right|Eixemplo d'antepueyo en las Bardenas Reyals. Un antepueyo (de lo francés avant-butte) ye un pueyo testimonio con un grau d'erosión tan abanzau que ha perdiu lo livel duro de lo suyo cabalto, que protecheba de la erosión a los livels mes baixos y tovos. Son de mida meya,Fernando Biarge: Piedra de arena. El paisaje monegrino. Ediciones del Mallo. 2004, pp. 58-78. menor que la de los pueyos testimonio de que proceden.
Pueden presentar formas conicas,Francisco Pellicer: Formas de relieve del centro de la depresión del Ebro. Institución Fernando el Católico. 1989 pp 63, con lo cabalto de forma alomada (redondeyada y convexa), perdendo la horizontalidat de lo pueyo testimonio anterior.
Igual que los pueyos testimonio tipicos, son frecuents a lo piet de las muelas y frents de cuestas, manimenos desapareixen con mayor velocidat por l'acción de l'augua de plevia y lo viento por no tener un material duro que lo acubille.
Los antepueyos son frecuents en los Monegros, en especial en la zona de Chubierre. Eixemplos d'antepueyos son las "Tetas de Robres", lo "tozal de San Andrés" en Usón y "La Espada" en Pallaruelo de Monegros. Lo "tozal d'el Castellar" en El Tormillo presenta actualment forma de predicadera y ye en lo cabalto d'un antepueyo..
Fuera de los Monegros, Otón (Pozuelo d'Aragón), Burrén y Burrena (Frescano) son eixemplos d'antepueyo.
Referencias
Bibliografía Francisco Pellicer Corcellano y María Teresa Echevarría Arnedo: Formas de relieve del centro de la depresión del Ebro. Institución Fernando el Católico, 1989 Fernando Biarge: Piedra de arena. El paisaje monegrino. Ediciones del Mallo, 2004.
Categoría:Antepueyos