A ilesia de Sant Miguel (en alemán Hauptkirche Sankt Michaelis, coloquialment dita simplament Michel, pronunciato/ˈmɪçəl/), ye una d'as cinco ilesias luteranas prencipals (Hauptkirchen) d'a ciudat d'Hamburgo y a ilesia mas famosa d'a ciudat. Sant Miguel ye un d'os prencipals molimentos d'Hamburgo. Ye adedicata a l'Arcánchel Sant Miguel. Una graniza estatua de bronce en la portalada d'a ilesia remera a l'arcánchel redotando a o Diaple.
O chapitel barroco cubierto d'arambre de 132 metros d'altaria ye un d'os prencipals iconos d'o skyline d'Hamburgo y siempre ha estau un sinyal ta os buques que navegan por o río Elba.
Historia left|150px|thumb|A victoria de Sant Miguel sobre o Diaple, escultura d'a dentrada prencipal.
L'actual ilesia ye a tercera que se troba en a historia en iste mesmo puesto. A primera se construyió entre 1647 y 1669. Asinas se convirtió en a ilesia d'o districto d'a ciudat nueva (Neustadt) que se creyó en 1625 aintro d'as nuevas murallas d'a ciudat y que dende alavez creixió ascape. En 1687, Sant Miguel estió a cinquena ilesia prencipal (Hauptkirche) y a ciudat nueva (Neustadt) se convirtió en parroquia. A ilesia se destruyió o 10 de marzo de 1750 en por un rayo. A ilesia orichinal s'ha copiato y constuyito en 9 ciudaz diferents arredol d'o mundo.
En 1786, se remató una nueva ilesa baixo o disenyo de Johann Leonhard Prey y Ernst Georg Sonnin. Ista ye a ilesia que conoixemos hue. Se reconstruyió dos vegatas en o sieglo XX: a primera dimpués de cremarse en un incendio en 1906 mientres bellas obras de reforma y a segunda dimpués d'os bombardeyos de 1944 y 1945. Dende 1983 se ye esviellando, prencipiando por o chapitel y por o tellato.
A capacidat suya ye de 2.500 personas posatas, lo que fa que a Michel sía a ilesia mas gran d'Hamburgo. Se puet puyar por escaleras u ascensor dica o chapitel que ofreixe unas sobrebuenas anvistas d'a ciudat y o puerto.
Bispes luteranos A ilesia ye seu d'un d'as tres diocesis d'a Ilesia Evanchelica Luterana d'o Norte d'Alemanya.
Enterrecos Carl Philipp Emanuel Bach Johann Mattheson
Miguel Miguel d'Hamburgo Hamburgo