250px|thumb|right|Anatomía d'a larinche. Texto en anglés. A larinche ye un organo de l'aparato respiratorio d'os anfibios, reptils y mamiferos. Como part d'as vías respiratorias proteche a traquia de bozar-se por a entrada alimento, pero tamién tien un important paper en a producción de sonius. A larinche regula l'altura y volumen d'o soniu. A larinche alocha as cuerdas vocals, esencials pa la fonación. As cuerdas vocals se troban chusto baixo a on o conducto d'a farinche se divide en traquia y esofago.
En a larinche d'os mamiferos bi ha como cartilagos principals o tiroides, o cricoides a epiglotis. A epiglotis tiene forma de lengüeta y no deixa entrar solidos u liquidos a la larinche gracias a la suya capacidad d'abocar-se tapando-la.
L'interior d'a larinche ye cubierto por epitelio pseudoestratificau columnar ciliau. VADILLO, Emilio, DE LA CRUZ, Alberto, et al.: Ciencias Naturales. BUP 3. Santillana, 1986. p. 138. O espacio entre as cuerdas vocals ye a glotis y ye dencima d'o encomienzo d'a traquia. A part d'as cuerdas vocals bi ha atras estructuras como os ventriclos de Morgagni y os replegos ventriculars u cuerdas vocals falsas.
Denominacions populars En Ansó y Echo se documenta gargamela con o significau de "larinche". CASACUBERTA, Josep Mª. Encuestas lingüísticas en el Alto Aragón (1922). Edición y estudio d'Óscar Latas. Aladrada Ediciones. Zaragoza, 2015. , p.115
Referencias
Bibliografía VADILLO, Emilio, DE LA CRUZ, Alberto, et al.: Ciencias Naturales. BUP 3. Santillana, 1986.
Veyer tamién Cuerdas vocals. Farinche. Garganchón.
Categoría:Aparato respiratorio