As oracions condicionals en l'aragonés son oracions composadas por subordinación en as que una proposición tien un significau verdadero en caso que l'atra proposición se cumpla. Entre as dos proposicions bi ha como nexo una conchunción condicional (si/se, como y cuan). A locución si no por permite omitir o verbo, en especial o estar Chabier Tomás Arias: El aragonés del Biello Sobrarbe. Instituto de Estudios Altoaragoneses. (1999), pp 138-139, p 340, p 342 y en as oracions condicionals hipoteticas. A vegadas en uns pocos contextos se puet omitir a conchunción si. Maria Luisa Arnal Purroy: El habla de la Baja Ribagorza Occidental: Institución Fernando el Católico, 1998, p 421

Situación siempre verdadera A sobén presentan o mesmo verbo en as dos proposicions. Si te toca fa contauto (aragonés d'a valle de Tella). Chabier Lozano Sierra: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010, pp 184-185 Si se me rompe la cuerda m'esclafo (aragonés d'a valle de Tella). Fas el ridiculo se no charras (belsetán).* Lozano, Ch., Saludas, Á.L.: (2005). Aspectos morfosintácticos del belsetán. Zaragoza: Gara d'Edizions - IFC, pp 150-151 Si no regamos por demás hemos sembrau (aragonés d'a valle de Tella). Si no por lo que reluciba la nieu, cuasi no se bizlumbraba (cheso). Francho Nagore: Gramática de la Lengua Aragonesa. Zaragoza. Mira Editores. 1989. Cuan ixe lo diz, ye que será verdat (cheso). Si en marzo no marcisquea / en abril y mayo queda (dito popular en aragonés de Viello Sobrarbe).

Si se quiere fer una petición, sucherencia u ofrimiento se puet fer servir un verbo en imperativo u en present de subchuntivo con función negativa: Si mai vas a'ls Banys, no dixes de vere la cascada de la Conca Moral (benasqués). José Antonio Saura Rami: Elementos de fonética y morfosintaxis benasquesas, Zaragoza, Gara d'Edizions-Institución Fernando el Católico (2003). p 201, pp 290-291, p 298.

Este tipo d'oracions condicionals con imperativo u subchuntivo con función imperativa se troban a sobén en ditos populars. Si canta a mocholeta en enero / prepara o lenyero (aragonés de Viello Sobrarbe). Si te muerde a salamanquesa cohe a hada y fe-te a fuesa (aragonés de Viello Sobrarbe).

Situación real u posible A sobén presentan una proposición en present y l'atra en futuro. Barranquet, si te tornes chiquet te darem un centimet (benasqués) SAROÏHANDY, Jean-Joseph, Misión lingüística en el Alto Aragón (compilazión de materials ineditos dende 1906); Xordica Editorial. Zaragoza, 2005. p 157 Os forasters poco s'esmaxinarán, si no se troban bien (ansotano). María Pilar Benítez: L'Ansotano. Estudio del habla del Valle de Ansó. Gobierno de Aragón, 2001. p 207 Como veigan lo fumo vendrán t'aquí (aragonés d'a valle de Tella). A poco que nos esmaxinemos, saldremos t'adebán (ansotano). Si viens, tamé verás los adelantos de Graus,(baixo-ribagorzano). Vicente de Vera, Eduardo: Textos en grausino (1904-1985). Zaragoza, Deputación Cheneral d'Aragón (col. «O pan de casa nuestra», 3), 1986. p 53, p 80. Tamién bi n'ha que fan servir o present de subchuntivo en una proposición y o present d'indicativo en l'atra.Como no caiga un nevazo no saco as vacas.(ansotano). Barcos, Miguel Ánchel: El Aragonés Ansotano: estudio lingüístico de Ansó y Fago; Gara d'Edizions. Zaragoza, 2007. p 148

Oración condicional hipotetica A sobén presentan una proposición en pasau imperfecto de subchuntivo y l'atra en condicional simple....y si no bi'n hese alguno, ya pués asegurar que u no sería naciu en Hecho , u no habría sangre chesa. (cheso) Domingo Miral: Dialecto cheso. Qui bien lo fá nunca lo pierde. Tomando la fresca en la cruz de cristiano o a casarse tocan. Gara d'Edizions, Institución Fernando el Católico, 2002, p 29..Si yo fuese mas choven, chugarba (tensino).Si no (fuese) por ra sericueta, ro requesón y ro prieto, no habría garra viva en to Sobrepuerto (aragonés de Sobrepuerto)Si no (fues) por o rebullón d'o garganchón , no me taparía ra boca naide (aragonés d'a valle de Vio).Si no (fuese) por l'emplego que tiengo, aquí m'estaría yo (aragonés d'o Viello Sobrarbe).Se vivo i fues, aguantarinos la metat que agora (belsetán).Se me tocás la lotería qui sabe el que me'n alegrarí. (belsetán).Si sabese te'l dirí (chistabín). Brian Mott: El Habla de Gistain. Instituto de Estudios Altoaragoneses, 1989 pp 77.Si podese anar-me'n ta Franza, m'estimaría mes (benasqués).Si tenises uns uells que pllorasen muito les diría Aigualluts (benasqués). Jose María Ferrer: Ta las fuents m'en boi. Publicacions d'o Consello d'a Fabla. Uesca, 1985. p 22Si él podere ser deputau y presentase su candidatura per el destrito d'aqui, le votaría a cencia y pacencia d'ixes zurriburris que feban la rivalleta de Judas en el callizo; (baixo-ribagorzano).Si n'i habese un par d'ocenes como el Mosen y ixes sinyors, la pialeta se chiraría de revés; y los ratons te farían siempre faltas en l'arca. (baixo-ribagorzano)

Entre as oracions condicionals hipoteticas, bi n'ha belunas que omiten a conchunción condicional y presentan dreitament o pasau imperfecto de subchuntivo, que fa d'"imperfecto condicional":Feses la fayena be, no i hería que tornar-la a fer (benasqués).Venises cuan se te grite, no te calríe queixar dispués (benasqués).Demanasez lo que ye de ragón, us hue concederían (benasqués).Ises por la noche, el trobarías lleno de mixons (baixo-ribagorzano).

Bi ha oracions condidionals que indican peticions u sucherencias que fan servir o pasau imperfecto de subchuntivo en a proposición subordinada pero que fan servir o imperativo en l'atra proposición:Si mai anases a pllegar caragols, di-me-hue (benasqués).

Oración condicional hipotetica de pasau A sobén presentan una proposición en pasau pluscuamperfecto de subchuntivo y l'atra en condicional compuesto. Manimenos a vegadas as dos proposicions van con pasau pluscuamperfecto, y en cualques casos Brian Mott documenta a mesma valura d'os dos tipos de construcción.Si s'hes presentau Franco l'habría votau a él (aragonés d'a valle de Tella).Si heses portau el disnar, millor haurie estau (benasqués).Si l'hese sabido, te l'habrí dito (chistabín).Si l'hese sabido, te l'heba dito (chistabín).Si hese lloviu, hesen cohiu mucho mas grano. (baixo-ribagorzano).Pus ye una flecha, que si yo hesa matau a mi fillo, ista hese serviu ta matar a VD (benasqués).Se no per que son de goma, es hesen feto a miquetas (belsetán).

Referencias

Bibliografía Barcos, Miguel Ánchel: El Aragonés Ansotano: estudio lingüístico de Ansó y Fago, Gara d'Edizions, Zaragoza, 2007. Lozano, Ch.: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010. Lozano, Ch., Saludas, Á.L.: (2005). Aspectos morfosintácticos del belsetán. Zaragoza: Gara d'Edizions - IFC. Brian Mott: El Habla de Gistain. Instituto de Estudios Altoaragoneses, 1989 pp 82–82 Francho Nagore: Gramática de la Lengua Aragonesa. Zaragoza. Mira Editores. 1989. José Antonio Saura Rami: Elementos de fonética y morfosintaxis benasquesas, Zaragoza, Gara d'Edizions-Institución Fernando el Católico (2003). María Pilar Benítez: L'Ansotano. Estudio del habla del Valle de Ansó. Gobierno de Aragón, 2001. SAROÏHANDY, Jean-Joseph, Misión lingüística en el Alto Aragón'' (compilazión de materials ineditos dende 1906); Xordica Editorial. Zaragoza, 2005.

Categoría:Sintaxi de l'aragonés